فیفا کے صدر جیانی انفانٹینو کو تبدیل کرنا سنگین غلطی ہوگی. ٹرمپ کی عالمی فٹبال تنظیم کو دھمکی

انفانٹینو چلے گئے تو آئندہ ورلڈ کپ نہ تو اتنا کامیاب ہوگا اور نہ ہی اتنا منافع بخش. امریکی صدر کا پیغام

میاں محمد ندیم منگل 11 اگست 2026 14:02

فیفا کے صدر جیانی انفانٹینو کو تبدیل کرنا سنگین غلطی ہوگی. ٹرمپ کی عالمی ..

واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) امریکی صدر ڈونلڈ ٹرمپ نے کہا ہے کہ عالمی فٹبال کی گورننگ باڈی فیفا نے اپنے صدر جیانی انفانٹینو کو تبدیل کرنے پر غور کیا تو یہ ایک سنگین غلطی ہوگی ٹرمپ نے سوشل میڈیا پلیٹ فارم”ٹروتھ سوشل“ پر ایک پوسٹ میں انفانٹینو کو شاندار قرار دیتے ہوئے کہا کہ انہوں نے حالیہ ورلڈ کپ کے انعقاد کی سربراہی کی جسے ٹرمپ نے اب تک کا سب سے کامیاب ورلڈ کپ اور چار گنا زیادہ کامیاب قرار دیا.

(جاری ہے)

امریکی صدر نے خبردار کیا کہ انفینٹینو کے جانے سے ورلڈ کپ کی کامیابی اور منافع میں کمی آئے گی انہوں نے کہاکہ اگر وہ چلے گئے تو آئندہ ورلڈ کپ نہ تو اتنا کامیاب ہوگا اور نہ ہی اتنا منافع بخش واضح رہے کہ انفینٹینو کو گزشتہ چند دنوں کے دوران بڑے فٹبال کنفیڈریشنز کی جانب سے دباﺅ کا سامنا ہے، جن میں یورپی فٹبال ایسوسی ایشن (یویفا)، ایشیائی فٹبال کنفیڈریشن اور CONCACAF شامل ہیں.

یہ دباﺅ ورلڈ کپ کے تجارتی حقوق کا ایک حصہ نجی شعبے کے سرمایہ کاروں کو فروخت کرنے کے متنازع منصوبے کے باعث سامنے آیا منصوبہ ناکام ہونے کے بعد ان تنظیموں نے آزادانہ تحقیقات اور احتساب کا مطالبہ کیا جبکہ بعض حلقوں نے انفینٹینو سے عہدہ چھوڑنے کا بھی مطالبہ کیا. فیفا صدر ان دنوں نے دفتر میں مبینہ افیئر اور ایک ناکام نجی سرمایہ کاری سکیم پر تنقید کا سامنا کر رہے ہیں انفانٹینو اطالوی نژاداد سوئس وکیل ہیں‘صدر ٹرمپ انفانٹینو کی حمایت کررہے ہیں جبکہ یو ایس ساکر ایسوسی ایشن نے کینیڈا ساکر اور وسطی امریکہ و کیریبین کی فٹبال تنظیموں کے ساتھ مل کر فیفا کے سربراہ پر تنقید کرتے ہوئے ایک بیان جاری کیا تھا.

انفانٹینو جنہیں اگلے مارچ میں دوبارہ انتخاب کا سامنا ہے نے کسی بھی غلطی کے الزامات کی تردید کی ہے فیفا نے بھی اپنے زیردباﺅ صدر کی حمایت کی ہے اور اس ردعمل کو کچھ لوگوں کی جانب سے تنظیم کو کمزور کرنے کی ایک منظم اور جاری کوشش قرار دیا ہے فیفا کے صدر کو دنیا کی تقریبا تمام فٹبال تنظیمو ں کی جانب سے شدید ردعمل اور تنقید کا سامنا ہے ‘انفانٹینو کو صدر ٹرمپ اپنا دوست قراردیتے ہیں ‘ انفانٹینو پر حالیہ ورلڈ کپ میں امریکا کی کئی اہم شخصیات کو فائدے پہنچانے کا بھی الزام ہے.