میر رضا کی شرٹ کا کیمیکل جانچ مکمل ‘ تیزاب کے شواہد مل گئے

خون کے نمونے میں بےہوشی کی دوا کے اجزاءبھی پائے گئے. تفتیشی ذرائع

میاں محمد ندیم منگل 11 اگست 2026 16:45

میر رضا کی شرٹ کا کیمیکل جانچ مکمل ‘ تیزاب کے شواہد مل گئے

کراچی(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) کراچی کے نوجوان میر رضا کی شرٹ کا کیمیکل جانچ مکمل کر لیا گیا اور رپورٹ پولیس کو موصول ہو گئی تفتیشی ذرائع کے مطابق کیمیائی جانچ کے دوران شرٹ پر نمک کے تیزاب کے شواہد مل گئے، میر رضا کے خون کے نمونے میں بےہوشی کی دوا کے اجزاءبھی پائے گئے. ذرائع کا کہنا ہے کہ میر رضا کی شرٹ پر گن شاٹ ریزیڈیو (جی ایس آر) کمر پر پایا گیا، جی ایس آر کی کمر کی جانب زیادہ مقدار میں موجودگی ظاہر کرتی ہے کہ گولی کمر کی جانب سے لگی تفتیشی ذرائع نے بتایا ہے کہ میر رضا کی شرٹ کیمیائی تجزیے کے لیے چند روز قبل لیب بھیجی گئی تھی.

(جاری ہے)

دوسری جانب کراچی کے نوجوان میر رضا کیس کی تفتیش میں پولیس کی مزید خامیاں سامنے آ گئیں تفتیشی حکام کے مطابق کئی دن گزر جانے کے باوجود جائے وقوع کی جیو فینسنگ نہیں کروائی گئی اور میر رضا کا موبائل ڈیٹا ریکارڈ بھی حاصل نہیں کیا گیا تفتیشی حکام کا کہنا ہے کہ میر رضا کی اسمارٹ واچ کی فرانزک بھی نہیں کروائی گئی. ادھر رپورٹ کراچی کے نوجوان میر رضا کیس کی تفتیش میں پولیس کی خامیاں سامنے آ گئی ہیں تفتیشی حکام کے مطابق کئی دن گزر جانے کے باوجود جائے وقوع کی جیو فینسنگ نہیں کروائی گئی اور میر رضا کا موبائل ڈیٹا ریکارڈ بھی حاصل نہیں کیا گیا تفتیشی حکام کا کہنا ہے کہ میر رضا کی اسمارٹ واچ کی فرانزک بھی نہیں کروائی گئی.

تفتیشی حکام کے مطابق جائے وقوع کی جیو فینسنگ آج کروائی جائے گی اور موبائل ڈیٹا ریکارڈ کی تفصیلات حاصل کی جا رہی ہیں جبکہ مشکوک گیسٹ ہاو¿س کی بھی تفصیلات حاصل کی گئی ہیں تفتیشی حکام کا کہنا ہے کہ نئی تفتیشی ٹیم نے این سی سی آئی اے سے رابطہ کیا ہے، این سی سی آئی اے میں میر رضا سے متعلق درخواست جمع کروائی جائے گی جس کا مقصد یہ معلوم کرنا ہے کہ میر رضا کو کسی دھمکی کا سامنا تو نہیں تھا.