ھ*آزادی سپورٹس فیسٹیول کی پروقار تقریب آج پشاور سپورٹس کمپلیکس میں ہوگی،تاشفین حیدر

بدھ 12 اگست 2026 17:55

ژ*پشاور(اُردو پوائنٹ اخبارتازہ ترین - آن لائن۔ 12 اگست2026ء) ڈائریکٹریٹ جنرل آف سپورٹس خیبرپختونخوا کے زیرِ اہتمام جشنِ آزادی سپورٹس فیسٹیول کے سلسلے میں پروقار تقریب آج قیوم سپورٹس کمپلیکس پشاور میں منعقد ہوگی۔ فیسٹیول میں مختلف کھیلوں کے مقابلوں کے علاوہ تفریحی و ثقافتی سرگرمیوں، ملی نغموں اور دیگر پروگرامز کا انعقاد کیا جائے گا، جبکہ 13 اگست کی شب جشنِ آزادی کی خوشی میں شاندار آتش بازی بھی کی جائے گی۔

ڈائریکٹر جنرل سپورٹس خیبرپختونخوا تاشفین حیدر نے کہا ہے کہ آزادی سپورٹس فیسٹیول کا مقصد نوجوانوں کو صحت مند اور مثبت سرگرمیوں کی جانب راغب کرنے کے ساتھ ساتھ ان میں کھیلوں کے فروغ اور حب الوطنی کے جذبے کو اجاگر کرنا ہے۔ ان کے مطابق فیسٹیول کے تحت مختلف کھیلوں کے مقابلوں کے ساتھ جشنِ آزادی کی مناسبت سے خصوصی تقریبات بھی منعقد کی جا رہی ہیں۔

(جاری ہے)

uانہوں نے بتایا کہ 13 اگست کو آزادی سپورٹس فیسٹیول کے سلسلے میں کبڈی میچ منعقد ہوگا، جس کے بعد شام کے وقت کوئز مقابلے، میوزیکل چیئر، ملی نغموں اور دیگر تفریحی و ثقافتی سرگرمیوں کا اہتمام کیا جائے گا۔ ان پروگرامز میں کھلاڑیوں، نوجوانوں، میڈیا نمائندگان اور کھیلوں سے وابستہ افراد کو بھرپور شرکت کا موقع فراہم کیا جائے گا۔ تاشفین حیدر کے مطابق فیسٹیول کی اختتامی تقریبات میں قومی جذبے اور وطن سے محبت کو اجاگر کرنے کے لیے خصوصی پروگرامز پیش کیے جائیں گے، جبکہ 13 اگست کی رات شاندار آتش بازی سے جشنِ آزادی کی تقریبات کو یادگار بنایا جائے گا۔

ڈائریکٹریٹ جنرل آف سپورٹس خیبرپختونخوا نے آزادی سپورٹس فیسٹیول کو جشنِ آزادی کی تقریبات کا اہم حصہ قرار دیتے ہوئے کہا ہے کہ صوبے میں کھیلوں کے فروغ اور نوجوانوں کو مثبت، صحت مند اور تعمیری سرگرمیوں کے مواقع فراہم کرنے کے لیے اس نوعیت کی سرگرمیوں کا سلسلہ آئندہ بھی جاری رکھا جائے گا۔