سیالکوٹ انٹرنیشنل ائیرپورٹ کا مسافروں کیلئے خصوصی بس، شٹل سروس کے آغاز کا فیصلہ

جمعرات 13 اگست 2026 21:03

سیالکوٹ (اُردو پوائنٹ اخبارتازہ ترین - اے پی پی۔ 13 اگست2026ء) 14 اگست سے سیالکوٹ انٹرنیشنل ائیرپورٹ نے مسافروں کیلئے خصوصی (بس)شٹل سروس کے آغاز کرنے کا فیصلہ کیا ۔ خصوصی شٹل سروس کے آغاز کا فیصلہ مسافروں کے وسیع تر مفاد میں سیال بورڈ آف ڈائریکٹرز کی جانب سے کیا گیا۔ سیالکوٹ انٹرنیشنل ائیرپورٹ پاکستان کا پہلا ائیرپورٹ ہےجس کی جانب سے شہر سے ائیرپورٹ تک مسافروں کیلئے شٹل سروس کا آغاز کیا جائے گا۔

خصوصی شٹل سروس بیرون ملک سفر کرنے والے مسافروں کیلئے مکمل مفت ہوگی۔

(جاری ہے)

شٹل سروس بیرون ملک سفر کرنے والے مسافروں کیلئے ہی مختص کی گئی۔ شٹل سروس کے آغاز کا مقصد مسافروں کو آسان، با سہولت اور ائیرپورٹ تک بروقت رسائی دینا ہے۔ شٹل سروس روزانہ رات 9 بجے،11بجے،1بجے اور 3بجے کے اوقات کار پر سیالکوٹ شہر سے ائیرپورٹ تک چلائی جائے گی۔ چیئرمین سیال کا کہنا تھا کہ مسافر ادارے کا اثاثہ ہیں، شٹل سروس میں مسافر اپنا فضائی ٹکٹ چیک کروا کر سوار ہوسکیں گے۔ ترجمان سیال کا کہنا تھا کہ مسافروں سے گزارش ہوگی کہ وہ وقت کی پابندی کریں اور طے شدہ اوقات کار پر بس میں سوار ہوں۔