فور نیشن انویٹیشن ہاکی ٹورنامنٹ کی تیاری کیلئے قومی سینئر ہاکی ٹیم کا تربیتی کیمپ طلب

جمعہ 14 اگست 2026 13:42

لاہور (اُردو پوائنٹ اخبارتازہ ترین - اے پی پی۔ 14 اگست2026ء) پاکستان ہاکی فیڈریشن (پی ایچ ایف) نے روس کے شہر کازان میں 27 اگست سے یکم ستمبر 2026 تک ہونے والے فور نیشن انویٹیشن ہاکی ٹورنامنٹ کی تیاریوں کے لیے قومی سینئر ہاکی ٹیم کا تربیتی کیمپ 15 اگست سے اسلام آباد میں طلب کر لیا۔پاکستان اسپورٹس کمپلیکس اسلام آباد کے نصیر بندہ ہاکی اسٹیڈیم میں لگایا جانے والا تربیتی کیمپ کل 15 اگست سے یکم ستمبر تک جاری رہے گا۔

پی ایچ ایف کی پروفیشنل ڈیولپمنٹ کمیٹی اور نیشنل سلیکشن کمیٹی کی سفارشات پر جاری نوٹیفکیشن کے مطابق منتخب کھلاڑیوں کو 15 اگست کو شام 5 بجے تک کیمپ میں رپورٹ کرنے کی ہدایت کی گئی ہے۔کیمپ کے لیے گول کیپرز میں فیضان جنجوعہ، محمد اویس، منیب الرحمن اور اویس رشید، ڈیفینڈرز میں یاسر اسلام، احسان خان، عثمان خان، محمد زین، اسد عزیز اور بلال اسلم شامل ہیں۔

(جاری ہے)

مڈفیلڈرز اور ہاف بیکس میں عبدالحمید، احسن ندیم، سمیع اللہ، عقیل احمد، عرفان شاہ، محمد عاطف، عبدالوہاب اور ریحان علی جبکہ فارورڈز اور اسٹرائیکرز میں ارسلان، طہ شیروانی، سرفراز ظہیر، اویس ارشد، شریف خان، محمد فیضان، علی مرتضی، محمد بلال، تیمور جاوید، محمد احمد، دانش طارق، رمضان سرگانہ، ابوذر، عبدالیوسف، وسیم اکرم اور عثمان اشرف کو طلب کیا گیا ہے۔پی ایچ ایف نے متعلقہ صوبائی ہاکی ایسوسی ایشنز، اسپورٹس ڈیپارٹمنٹس اور سروس آرگنائزیشنز کو بھی خطوط ارسال کر دیئے ہیں، جن میں کھلاڑیوں کے لیے نو آبجیکشن سرٹیفکیٹ (این او سی)، کم از کم 6 ماہ کی میعاد والا پاسپورٹ، 8 پاسپورٹ سائز تصاویر اور پلیئنگ کٹ ہمراہ لانے کی ہدایت کی گئی ہے۔