مستونگ میں میر ضیاء اللہ لانگو کے قافلے پر دہشتگرد حملے کی شدید مذمت کرتے ہیں،چینی قونصل جنرل فینگ ڈیہنگ

اتوار 16 اگست 2026 22:35

کوئٹہ(اُردو پوائنٹ اخبارتازہ ترین - این این آئی۔ 16 اگست2026ء) چینی قونصل جنرل فینگ ڈیہنگ کراچی نے اتوار کو وزیرداخلہ بلوچستان میر ضیاء اللہ لانگو سے رابطہ کرکے انکی خیریت دریافت کی ۔

(جاری ہے)

چینی قونصل جنرل فینگ ڈیہنگ نے وزیر داخلہ بلوچستان میر ضیاء اللہ لانگو کے قافلے پر مستونگ میں دہشتگرد حملے پر گہرے دکھ اور تشویش کا اظہار کیاچینی قونصل جنرل نے کہا کہ مستونگ میں میر ضیاء اللہ لانگو کے قافلے پر دہشتگرد حملے کی شدید مذمت کرتے ہیں، میر ضیاء اللہ لانگو کے قافلے پر حملہ انتہائی افسوسناک اور قابلِ مذمت ہے۔انہوں نے حملے میں زخمی ہونے والے اہلکاروں کی جلد صحت یابی کی بھی دعا کی۔