اوٹاوا سٹی کونسل نے شہر میں موجود ٹرمپ ایونیو کا نام تبدیل کرنے کی جانب پہلا قدم اٹھا لیا

سٹی کونسل نے متفقہ ووٹ کے ذریعے ٹرمپ ایونیو کا نام تبدیل کرنے کی تجویز پر پیش رفت کی، اوباما ایونیو اور ٹیکو ایونیو متبادل ناموں میں شامل ہیں.

میاں محمد ندیم جمعہ 28 اگست 2026 15:40

اوٹاوا سٹی کونسل نے شہر میں موجود ٹرمپ ایونیو کا نام تبدیل کرنے کی جانب ..

اوٹاوا(اردوپوائنٹ اخبارتازہ ترین-انٹرنیشنل پریس ایجنسی۔28 اگست ۔2026 ) کینیڈا اورامریکا کے درمیان بڑھتی کشیدگی کے دوران اوٹاوا سٹی کونسل نے شہر میں موجود ٹرمپ ایونیو کا نام تبدیل کرنے کی جانب پہلا قدم اٹھا لیا ہے اوٹاوا سٹی کونسل نے گزشتہ روز متفقہ ووٹ کے ذریعے ٹرمپ ایونیو کا نام تبدیل کرنے کی تجویز پر پیش رفت کی، اوباما ایونیو اور ٹیکو ایونیو متبادل ناموں میں شامل ہیں. اوٹاوا سٹی کونسلر ٹم ٹیرنی کا کہنا ہے کہ سڑک کا نام فوری طور پر تبدیل کرنا ممکن نہیں، اس کے لیے نصف سے زیادہ رہائشیوں کی حمایت درکار ہو گی جس کے بعد نئے نام کے انتخاب کے لیے بھی عوامی مشاورت کی جائے گی.

(جاری ہے)

ٹم ٹیرنی کے مطابق نام تبدیل کرنے کی تمام کارروائی اکتوبر کے آخر میں ہونے والے بلدیاتی انتخابات کے بعد ہی شروع ہونے کا امکان ہے کونسل کی یہ تجویز امریکی صدر ڈونلڈ ٹرمپ کی جانب سے ایک انتظامی حکم نامے پر دستخط کیے جانے سے صرف ایک روز قبل آئی ہے جس کے تحت امریکی حکومت کو لیک اونٹاریو کو ”لیک امریکا“ کہنے کی ہدایت کی گئی ہے.