Live Updates

ایران کا امریکی فوجیوں کو پکڑنے یا مارنے پر 30 ہزار ڈالرز انعام کا اعلان

پیر 17 اگست 2026 21:59

تہران (اُردو پوائنٹ اخبارتازہ ترین - این این آئی۔ 17 اگست2026ء) ایران کی جانب سے امریکی فوجیوں کو ہلاک یا گرفتار کر کے حوالے کرنے والے افراد کے لیے 30 ہزار ڈالرز کے انعام کا اعلان کیا گیا ہے۔غیرملکی خبررساں ادارے کے مطابق ایرانی فوج کے سربراہ امیر حاتمی نے کہا کہ اگر یہ کارروائی کسی خاتون کی جانب سے کی گئی تو انعام دگنا دیا جائے گا۔ امیر حاتمی نے اپنے بیان میں کہا ہے کہ بڑی تعداد میں لوگوں کی درخواستوں کے بعد یہ منصوبہ تیار کیا گیا ہے۔

(جاری ہے)

ان کا کہناتھا کہ امریکی فوجیوں کو گرفتار یا ہلاک کر کے ایرانی حکام کے حوالے کرنے والے شخص کو 30 ہزار ڈالرز یا 5 ارب ایرانی تومان دیے جائیں گے۔ ایران میں امریکی زمینی فوج کی کسی باقاعدہ تعیناتی کی اطلاع نہیں ہے تاہم اپریل میں ایک امریکی طیارہ گرنے کے بعد امدادی کارروائی کے لیے امریکی اہلکار ایران میں داخل ہوئے تھے۔ایرانی فوجی سربراہ نے امریکا کو خبردار کرتے ہوئے کہا ہے کہ امریکی افواج کو خلیج، بحیرہ عمان اور آبنائے ہرمز میں واپس آنے کی اجازت نہیں دی جائے گی۔ انہوں نے امریکی صدر ڈونلڈ ٹرمپ کے آبنائے ہرمز سے متعلق بیانات کو خطرناک قرار دیتے ہوئے کہا کہ ایران کے پاس اس اہم آبی گزرگاہ کے دفاع کے لیے فورسز موجود ہیں۔