مانانوالہ،نامعلوم ملزمان نے 9 سالہ بچی کو رات کی تاریکی مبینہ طور پر اغوا کرنے کے بعد قتل کرکے نعش گڑھے میں پھینک دی

اہل علاقہ میں خوف و ہراس پھیل گیا،پولیس نے مقدمہ درج کر کے کاروائی شروع کر دی

پیر 17 اگست 2026 20:35

مانانوالہ،نامعلوم ملزمان نے 9 سالہ بچی کو رات کی تاریکی مبینہ طور پر ..

ٴْمانانوالہ(اُردو پوائنٹ اخبارتازہ ترین - آن لائن۔ 17 اگست2026ء) قیامت خود بتائے گی قیامت کیوں ضروری تھی۔ننکانہ صاحب کے تھانہ واربرٹن کے گاوں عالیانوالہ میں سفاکیت کی انتہا۔نامعلوم ملزمان نے کمسن ننھی پری 9 سالہ بچی کو رات کی تاریکی مبینہ طور پر اغوا کرنے کے بعد قتل کرکے نعش گڑھے میں پھینک دی۔اہل علاقہ میں خوف و ہراس پھیل گیا۔

(جاری ہے)

پولیس نے مقدمہ درج کر کے کاروائی شروع کر دی تفصیلات کے مطابق ضلع ننکانہ صاحب کے تھانہ واربرٹن کے علاقے عالیانوالہ میں دل دہلا دینے والا دلخراش واقعہ پیش آیا جس میں مذکورہ گاوں کے زمیندار شہباز الحسن آپنے اہل خانہ کے ہمراہ گھر میں سویا تھا کہ رات کی تاریکی میں نامعلوم ملزمان نے مبینہ طور پر کمسن 9 سالہ معصوم بچی تیسری کلاس کی طالبہ رفعت فاطمہ کو اغواء کرنے کے بعد بیدردی سے قتل کرکے نعش گڑھے میں پھینک دی اور ملزمان فرار ہو گئے۔

مقتولہ سے مبینہ جنسی زیادتی کے حوالے سے تاحال کوئی شواہد نہیں سامنے نہیں آئے واربرٹن پولیس نے مقدمہ درج کر کے کاروائی شروع کر دی۔ترجمان ننکانہ پولیس وقاص خالد کے مطابق ڈی پی او ننکانہ صاحب ارسلان زاہد نے خصوصی ٹیم تشکیل دے دی ھے مختلف زاویوں سے تفتیش کا سلسلہ جاری ہے