عمران خان کی آنکھ کا بروقت موثر علاج انکا آئینی وقانونی حق تھاجوکہ انکو فراہمی سے روگردانی کی گئی،حافظ منیرحسین احمد

منگل 18 اگست 2026 22:50

کوئٹہ(اُردو پوائنٹ اخبارتازہ ترین - این این آئی۔ 18 اگست2026ء) جمعیت علماء اسلام پاکستان کے سینئر رہنما حافظ منیرحسین احمد نے کہا ہے کہ عمران خان کی آنکھ کا بروقت موثر علاج انکا آئینی وقانونی حق تھاجوکہ انکو فراہمی سے روگردانی کی گئی عمران خان کی آنکھ کوناقابل تلافی نقصان پہنچانے کے بعد آنکھ کی"ریٹینل ہیمرج"کے موثر علاج کیلئے شفاء ہسپتال منتقلی کا عدالتی فیصلہ بروقت نہ سہی مگردرست اقدام ہے عمران خان کا شفاء ہسپتال منتقلی کیساتھ ہی اقتدار کے مکینوں کاآئی سی یو ICU میں منتقل ہونے کے واضح آثار نظرآرہے ہیں۔

انہوں نے کہا کہ نواز شریف کو جعلی پلیٹ لیٹس رپورٹ کی بنیاد پرچار سال کیلئے برطانیہ بھجواکر واپسی پہ ڈرائی کلین کرکے اقتدار کامکین بنایاگیا۔

(جاری ہے)

جبکہ آصف زرداری نی10 سالہ سزا کا بیشتر حصہ ضیاء الدین ہسپتال میں گزاراہیںتوپھرعمران خان یاکوئی بھی عام پاکستانی قیدی کے علاج ومعالجہ کی فراہمی کیلئے دہرے معیارکارویہ کیوں اختیارکیاجاتاہے،جوکہ انصاف کا قتل اور قابل مذمت ہے۔

انہوں نے کہاکہ عمران خان کے آنکھ علاج کو مسلم لیگ(ن)کا ایک سینیٹر سازش قرار دے رہے ہیں۔انہوں نے ہی عمران خان حکومت کیخلاف سازش کرکے انکو اقتدار سے علیحدہ کیاتھا۔انہوں نے کہا کہ مسلم لیگ( ن) کا ہمیشہ سے وطیرہ رہا ہے،جب بھی انکواقتدار کی کشتی ڈوبتے نظر آنے لگتی ہے تووہ مگر مچھ کے آنسو بہانے لگتے ہیں۔