ٌراشد منہاس شہید کی قربانی آنیوالی نسلوں کیلئے جرأت اور عزم کا پیغام ہی: سیف اللہ چوہدری

۳اس بہادرسپوت نے دفاعِ وطن کیلئے اپنی جان قربان کردی لیکن ملک پر کوئی آنچ نہ آنے دی، خصوصی لیکچر سے خطاب

جمعرات 20 اگست 2026 19:00

چ*لاہور (اُردو پوائنٹ اخبارتازہ ترین - آن لائن۔ 20 اگست2026ء) راشد منہاس شہید پاک فضائیہ کے جوانوں اورپوری قوم کیلئے حب الوطنی، فرض شناسی اوروطن سے وفاداری کی روشن مثال ہیں۔ وطن عزیز کے اس بہادرسپوت نے دفاعِ وطن کیلئے اپنی جان قربان کردی لیکن ملک پر کوئی آنچ نہ آنے دی۔ ان خیالات کااظہار سیکرٹری تحریک پاکستان ورکرز ٹرسٹ محمد سیف اللہ چوہدری نے ایوان کارکنان تحریک پاکستان ‘ لاہور میں پائلٹ آفیسر راشد منہاس شہید (نشانِ حیدر) کے 55ویں یوم شہادت پر ان کو خراج عقیدت پیش کرنے کیلئے منعقدہ خصوصی لیکچر کے دوران کیا۔

اس لیکچر کا اہتمام ادارہٴ نظریہٴ پاکستان نے تحریک پاکستان ورکرز ٹرسٹ کے اشتراک سے کیا تھا۔محمد سیف اللہ چوہدری نے کہا کہ پائلٹ آفیسرراشد منہاس شہید 17فروری1951ء کو کراچی میں پیدا ہوئے۔

(جاری ہے)

آپ نے 14مارچ1971ء کو پاکستان فضائیہ کی51 ویں جی ڈی پی کورس میں کمیشن حاصل کیا۔ راشد منہاس کو آپریشنل کنورژن کورس کیلئے ماڑی پور(مسرور) میں واقع نمبر2 اسکواڈرن میں تعینات کیا گیا۔

20 اگست1971ء کو پائلٹ آفیسرراشد منہاس نے تربیتی پروازکیلئے کراچی کے مسرورایئر بیس سے اڑان بھری ۔انسٹرکٹرپائلٹ فلائٹ لیفٹیننٹ مطیع الرحمان نے طیارے کو ہائی جیک کرکے بھارت لے جانے کی کوشش کی۔ بھارتی سرحد سے صرف 40 میل کی مسافت پر پائلٹ آفیسرراشد منہاس نے طیارے کا رخ واپس پاکستان کی طرف موڑنے کی بھرپور کوشش کی۔ انسٹرکٹرکی تمام ترکوشش کے باوجود راشد منہاس نے جہاز کا رُخ زمین کی جانب موڑ کر طیارے کو بھارتی سرحد سے 32 میل کی دوری پر تباہ کردیا۔

پائلٹ آفیسرراشد منہاس نے اپنی جان قربان کرکے طیارے کو دٴْشمن ملک لے جانے کی مذموم سازش کو ناکام بنا دیا ۔انہوں نے کہا وطن کے اس بہادرسپوت نے اپنی جان مادر وطن پر قربان کردی لیکن ملکی وقارپرآنچ تک نہیں آنے دی۔ پائلٹ آفیسرراشد منہاس شہید پاکستان کی دفاعی تاریخ میں سنہرا باب رقم کرنے والے وطن کے عظیم سپوت ہیں اور ہمیں ان پر فخر ہے۔