راکھی ساونت نے تماشا کے اگلے سیزن میں انٹری کی خواہش ظاہر کر دی

ْ اگر یہ شو پاکستان کی بجائے دبئی میں منعقد کیا جائے تو وہ اس میں ضرور حصہ لیں گی،اداکارہ

جمعہ 21 اگست 2026 10:40

ممبئی (اُردو پوائنٹ اخبارتازہ ترین - این این آئی۔ 21 اگست2026ء) بھارتی ڈراما کوئین اور ڈرامائی انداز کی وجہ سے خبروں میں رہنے والی معروف شخصیت راکھی ساونت نے اے آر وائی ڈیجیٹل کے مقبول ترین ریئلٹی شو تماشا میں شرکت کی خواہش ظاہر کر دی۔تماشا سیزن 5 کے ایک وائرل ویڈیو کلپ پر ردعمل دیتے ہوئے راکھی ساونت نے کہا کہ اگر یہ شو پاکستان کی بجائے دبئی میں منعقد کیا جائے تو وہ اس میں ضرور حصہ لیں گی۔

(جاری ہے)

راکھی نے کمنٹ کیا کہ اگر میں اس شو میں آئی تو سب کی بجا دوں گی، لیکن مسئلہ یہ ہے کہ شو پاکستان میں ہو رہا ہے۔ اگر اگلا سیزن دبئی میں رکھا جائے تو میں شو میں انٹری لوں گی اور پھر پوری دنیا دیوانی ہو جائے گی۔سوشل میڈیا صارفین اور شائقینِ تماشا کی جانب سے بھی راکھی ساونت کے اس تبصرے کو بے حد پسند کیا جا رہا ہے اور کئی صارفین کا کہنا ہے کہ راکھی کی گھر میں انٹری واقعی شو کو مزید ہنگامہ خیز بنا سکتی ہے۔واضح رہے کہ اے آر وائی ڈیجیٹل کا شو تماشا پاکستان کا سب سے بڑا ریئلٹی شو ہے جس کے اب تک کے تمام سیزنز کو شائقین کی جانب سے بھرپور پذیرائی ملی ہے۔