سال پہلے آئی ٹی منسٹر، 21سال پہلے میئر کراچی بنا، مصطفی کمال

کراچی میں پینے کا پانی آتا نہیں ،سیوریج کا پانی جاتا نہیں، اختیارات ،وسائل نچلی سطح پر پہنچنے کا نظام نہیں 22ہزار ارب خرچ کرنے کے بعد شہر رہائش کی خراب ترین فہرست میں دنیا میں تیسرے نمبر پر ہے، میڈیا سے گفتگو

ہفتہ 22 اگست 2026 20:15

کراچی (اُردو پوائنٹ اخبارتازہ ترین - این این آئی۔ 22 اگست2026ء) وفاقی وزیر صحت مصطفی کمال نے کہا ہے کہ 23 سال پہلے آئی ٹی منسٹر اور21 سال پہلے میئر کراچی بنا، کراچی سے تشدد کی سیاست کو ختم کیا۔ کراچی میں گفتگو کرتے ہوئے مصطفی کمال نے کہا کہ اس طاقت کے خلاف بولا جو اختلاف پر جان لیتے تھے۔

(جاری ہے)

انہوں نے کہا کہ مردم شماری میں ہمیں صحیح شمار نہیں کیا گیا، این ایف سی میں کراچی کا حصہ اس سال 800ارب روپے بنتا ہے، ہمارا موجودہ نظام پورے ملک کو نقصان پہنچا رہا ہے۔

وفاقی وزیر صحت نے کہا کہ شہر میں پینے کا پانی آتا نہیں سیوریج کا پانی جاتا نہیں، اختیارات اور وسائل نچلی سطح پر پہنچنے کا نظام نہیں، 22 ہزار ارب خرچ کرنے کے بعد شہر رہائش کی خراب ترین فہرست میں دنیا میں تیسرے نمبر پر ہے۔مصطفی کمال نے کہا کہ پرانی ایم کیو ایم ہوتی تو گل پلازہ کا الزام ہم پر لگتا، ہم نے انتظامی یونٹ کی بات کی، سب تائید کر رہے ہیں، پرانی ایم کیو ایم ہوتی تو اس تجویز کو بیرونی سازش کہا جاتا۔