وزارت اطلاعات نے خواجہ آصف کی سوشل میڈیا پر زیر گردش ویڈیو کو جعلی اور اے آئی قرار دیدیا

پیر 24 اگست 2026 16:45

اسلام آباد(اُردو پوائنٹ اخبارتازہ ترین - این این آئی۔ 24 اگست2026ء) وزیر دفاع خواجہ آصف کی سوشل میڈیا پر زیر گردش ویڈیو کو وزارت اطلاعات نے اے آئی اور جعلی ویڈیو قرار دیدیا۔

(جاری ہے)

وزارت اطلاعات و نشریات کی جانب سے سوشل میڈیا پر خواجہ آصف کی گردش کرنے والی ویڈیو سے متعلق ایک وضاحت جاری کی گئی ہے جس میں اس ویڈیو کو جعلی اور آرٹیفیشل انٹیلی جنس (اے آئی)سے تیار ویڈیو قرار دیا گیا ہے۔وزارت اطلاعات نے سوشل میڈیا پر ویڈیو پوسٹ کرتے ہوئے اس پر درج کیا ہیکہ جھوٹ: یہ اے آئی سے بنائی گئی ویڈیو ہے ، وزیر دفاع خواجہ آصف نے اس قسم کا کوئی بیان نہیں دیا۔وزارت اطلاعات کی جانب سے خبروں کو شیئر کرنے سے پہلے ان کے آفیشل تصدیق کی بھی ہدایت کی گئی ہے۔