مولانا فضل الرحمان کو لگتا ہے کہ ان کے ساتھ ہاتھ ہوا ہے، منیب فاروق

مولانا فضل الرحمان کی لڑائی یہ ہے کہ یہ جو نظام چل رہا ہے، اس میں پہلے اسٹیبلشمنٹ نے عمران خان کی حکومت گرانے میں ان کا استعمال کیا، آگے جب وقت آیا تو ان کو ان کا حصہ نہیں ملا؛ اینکرپرسن کا دعویٰ

ساجد علی پیر 24 اگست 2026 17:22

مولانا فضل الرحمان کو لگتا ہے کہ ان کے ساتھ ہاتھ ہوا ہے، منیب فاروق

اسلام آباد (اُردو پوائنٹ اخبارتازہ ترین۔ 24 اگست 2026ء) اینکر پرسن اور تجزیہ کار منیب فاروق نے ملکی سیاسی صورتحال، جے یو آئی ف کے سربراہ مولانا فضل الرحمان کے متحرک ہونے اور بانی پی ٹی آئی عمران خان کے علاج سے متعلق جاری تنازعہ پر اپنے تجزیے کا اظہار کرتے ہوئے کئی اہم دعوے کیے ہیں۔ اس حوالے سے اپنے وی لاگ میں منیب فاروق کا کہنا تھا کہ مولانا فضل الرحمان کی اصل لڑائی اور ناراضگی موجودہ سیاسی نظام سے ہے، کیوں کہ مولانا صاحب یہ سمجھتے ہیں کہ ان کے ساتھ سیاسی طور پر ہاتھ ہوا ہے، ان کے بقول اسٹیبلشمنٹ نے بانی پی ٹی آئی عمران خان کی حکومت گرانے میں مولانا کا استعمال کیا، لیکن جب اقتدار کا وقت آیا تو انہیں ان کا جائز سیاسی حصہ نہیں دیا گیا۔

مولانا فضل الرحمان کی لڑائی اپنا حصہ نہ ملنے کی ہیں، اسٹیبلشمنٹ نے عمران خان کی حکومت گرانے میں ان کو استعمال کیا اور جب وقت ایا تو ان کو کچھ نہ ملا اسلئے مولانا صاحب غصہ ہیں۔ منیب فاروق @muneebfaruqpak #JUIF #MolanaFazlurRehman #ImranKhan #PTI pic.twitter.com/YCTjWmBiSZ
— Ali Hassan (@AliJrnlst) August 24, 2026

بانی پی ٹی آئی کے مقدمات اور ہسپتال منتقلی پر بات کرتے ہوئے انہوں نے واضح کیا کہ اگر کوئی یہ سمجھتا ہے کہ یہ تمام اقدامات صرف شہباز شریف حکومت کر رہی ہے، تو وہ غلط فہمی کا شکار ہے، بانی پی ٹی آئی عمران خان سے متعلق تمام اہم فیصلے 'ہائبرڈ رجیم' مل کر کرتی ہے، اس وقت کوئی ڈیل یا ڈھیل وجود نہیں رکھتی اور فی الحال بانی پی ٹی آئی کو کسی قسم کی رعایت دینے کا امکان نہیں ہے، پہلے دن ہی یہ فیصلہ ہو چکا تھا کہ عمران خان کو صرف سرکاری ہسپتال لے جایا جائے گا اور محسن نقوی نے شفا ہسپتال منتقلی کی کوئی کمٹمنٹ نہیں کی تھی۔

(جاری ہے)

پی ٹی ائی والوں نے اپنی ولدیت تبدیل کرنے کا فیصلہ کر لیا اور یہ بات سہیل افریدی نے جلسے میں کی انہوں نے کہا کہ عمران خان کو ہسپتال نہ لے جانے کا فیصلہ نواز شریف مریم نواز اور شہباز شریف کا تھا اسٹیبلشمنٹ تو چاہتی تھی شفا لے جائے ان سے کوئی پوچھے کہ ابھی ایک ماہ پہلے تو تم اڈیالہ… pic.twitter.com/G2ukCDlIrC
— MALIK ZEESHAN JAVAID (@MalikZeeshanJ) August 24, 2026

وزیراعلیٰ خیبرپختونخواہ سہیل آفریدی کے بیان کا حوالہ دیتے ہوئے منیب فاروق نے کہا کہ پی ٹی آئی نے اب اپنی سیاسی ولدیت تبدیل کرنے کا سوچ لیا ہے، سہیل آفریدی کا یہ دعویٰ بالکل غلط ہے کہ عمران خان کو نجی ہسپتال نہ بھیجنے کا فیصلہ ن لیگ کا تھا اور اسٹیبلشمنٹ انہیں شفا ہسپتال بھیجنا چاہتی تھی، ابھی ایک ماہ قبل یہی پی ٹی آئی رہنما اڈیالہ روڈ پر پولیس افسران سے پوچھا کرتے تھے کہ کس کرنل یا برگیڈیئر کے حکم پر ان کا راستہ روکا جا رہا ہے، اور آج اچانک انہیں اسٹیبلشمنٹ اچھی لگنے لگی ہے۔