مشرق وسطی کی صورتحال بدستور سنگین ہے، چینی وزیر خا رجہ

چین فلسطین سمیت دیگر مسائل پر اردن کے مثبت کردار کی حمایت جاری رکھے گا، وانگ ای

پیر 24 اگست 2026 18:34

بیجنگ(اُردو پوائنٹ اخبارتازہ ترین - این این آئی۔ 24 اگست2026ء) چینی وزیرِ خارجہ وانگ ای نے بیجنگ میں اردن کے نائب وزیراعظم و وزیرِ خارجہ ایمن صفدی سے ملاقات کی، جو شاہ عبداللہ دوم کے دورہ چین میں ان کے ہمراہ ہیں۔پیر کووانگ ای نے کہا کہ صدر شی جن پھنگ شاہ عبداللہ دوم کے ساتھ قائم دوستی اور باہمی اعتماد کو قدر کی نگاہ سے دیکھتے ہیں۔ یہ شاہ عبداللہ دوم کا 11 سال بعد چین کا دورہ ہے اور یقین ہے کہ یہ دورہ کامیاب رہے گا۔

چین اردن کی چین دوست پالیسی پر ثابت قدمی اور ایک چین کے اصول کی پاسداری کو سراہتا ہے۔وانگ ای نے کہا کہ اس وقت مشرق وسطی کی صورتحال بدستور پیچیدہ اور سنگین ہے۔ چین تمام فریقوں سے رابطے اور مذاکرات برقرار رکھنے، غزہ میں دیرپا جنگ بندی کے قیام اور وہاں انسانی صورتحال کو بہتر بنانے کے لیے کوششوں پر زور دیتا ہے۔

(جاری ہے)

چین فلسطین سمیت دیگر مسائل پر اردن کے مثبت کردار کی حمایت جاری رکھے گا۔

صفدی نے کہا کہ اردن چین کے ساتھ تعلقات کو بہت اہمیت دیتا ہے اور یہ دورہ دونوں ممالک کی تزویراتی شراکت داری کو مزید مضبوط بنانے میں مثر ثابت ہوگا۔ اردن ایک چین کے اصول کی پختہ پاسداری کرتا ہے اور اس مقف میں کوئی تبدیلی نہیں آئے گی۔ اردن چین کے ساتھ مل کر دونوں ممالک کے سربراہانِ مملکت کے درمیان طے پانے والے اتفاق رائے اور تزویراتی شراکت داری کو عملی اقدامات میں تبدیل کرنے اور مختلف شعبوں میں تعاون کو مزید گہرا کرنے کا خواہاں ہے۔صفدی نے مشرق وسطی کے مسئلے پر چین کے مثبت اور ذمہ دارانہ کردار کو سراہتے ہوئے کہا کہ بالخصوص فلسطین کے مسئلے پر چین کی جانب سے دو ریاستی حل کی پرزور حمایت قابلِ قدر ہے۔