ایڈیشنل ایس پی سوات کا ڈسٹرکٹ کورٹ گلکدہ کا دورہ، سکیورٹی انتظامات کا جائزہ لیا

جمعرات 10 ستمبر 2026 16:07

پشاور (اُردو پوائنٹ اخبارتازہ ترین - اے پی پی۔ 10 ستمبر2026ء) ایڈیشنل ایس پی سوات غلام صادق خان نے ڈسٹرکٹ کورٹ گلکدہ کا دورہ کیا اور ڈسٹرکٹ کورٹ اور اس کےاردگرد واقع تمام دفاتر کی سکیورٹی کا جائزہ لیا۔

(جاری ہے)

ترجمان سوات پولیس کے مطابق انہوں نے ڈیوٹی پر مامور اہلکاروں کو موجودہ حالات کے پیشِ نظر ہر وقت چوکس رہنے، عدالتوں میں آنے والی گاڑیوں اور افراد کی تسلی بخش چیکنگ کرنے، مشکوک افراد کی سرگرمیوں پر کڑی نظر رکھنے اور ڈیوٹی کے دوران موبائل فون کے غیر ضروری استعمال سے گریز کرنے کی ہدایات جاری کیں۔ اس موقع پر ڈی ایس پی ہیڈکوارٹر زیراب گل اور ایس ایچ او تھانہ سیدو بی ان کے ہمراہ تھے۔