غزہ میں قتل عام پر مبنی اسرائیلی فلمسازوں کی دستاویزی فلم کے لیے وینس فلم فیسٹیول میں 25 منٹ تالیاں بجائی گئیں

جمعہ 11 ستمبر 2026 20:17

وینس(اُردو پوائنٹ اخبارتازہ ترین - این این آئی۔ 11 ستمبر2026ء) غزہ میں اسرائیلی فوج کے ہاتھوں فلسطینی شہریوں کے قتل عام پر مبنی دو آسکر ایوارڈ یافتہ اسرائیلی فلم سازوں کی تیار کردہ ایک نئی دستاویزی فلم وینس فلم فیسٹیول میں بے حد سراہا گیا اور اس کے لییمسلسل 25 منٹ تک تالیاں بجتی رہیں۔

(جاری ہے)

عرب ٹی وی کے مطابق تماشائیوں نے فلم کی نمائش کے بعد فلمسازوں یووال ابراہم اور ریچل سزور کے لیے مسلسل 25 منٹ تالیاں بجائیں جو وینس میں نیا ریکارڈ سمجھا جا رہا ہے کیونکہ گزشتہ سال غزہ پر بنائی گئی ایک اور فلم پر 23 منٹ تالیاں بجائی گئی تھیں۔اپنی فلم نازا میں ابراہم اور سزور نے 24 مختلف اسرائیلی فوجی یا انٹیلی جنس اہلکاروں کی گفتگو شامل کی جنہوں نے اپنی شناخت ظاہر نہ کرنے کی شرط پر بات کی۔