رکن صوبائی اسمبلی گوادر مولانا ہدایت الرحمان بلوچ کے معاون وسیم صمد نے چیئرمین یونین کونسل سربندن نصیب نوشیروانی کے ہمراہ گوادر ڈویلپمنٹ اتھارٹی کے چیف انجینئر حاجی سید محمد سے ملاقات

ً سربندن میں جاری ترقیاتی امور اور عوامی سہولیات سے متعلق اہم معاملات پر تفصیلی گفتگو

جمعرات 24 ستمبر 2026 19:47

Eگوادر (اُردو پوائنٹ اخبارتازہ ترین - آن لائن۔ 24 ستمبر2026ء) رکن صوبائی اسمبلی گوادر مولانا ہدایت الرحمان بلوچ کے معاون وسیم صمد نے چیئرمین یونین کونسل سربندن نصیب نوشیروانی کے ہمراہ گوادر ڈویلپمنٹ اتھارٹی کے چیف انجینئر حاجی سید محمد سے ملاقات کرکے سربندن میں جاری ترقیاتی امور اور عوامی سہولیات سے متعلق اہم معاملات پر تفصیلی گفتگو کی گئی ملاقات میں سربندن میں زیرِ تعمیر واٹر ٹینکی کے مقام کا معاملہ زیرِ بحث آیا۔

وفد نے آگاہ کیا کہ موجودہ مقام تعمیر کے لیے موزوں نہ ہونے کے باعث منصوبے کی تعمیر میں مشکلات پیش آرہی ہیں۔ اس موقع پر درخواست کی گئی کہ واٹر ٹینکی کو موجودہ ناموزوں مقام سے کسی مناسب اور موزوں جگہ منتقل کیا جائے، تاکہ منصوبہ بہتر انداز میں مکمل ہوکر مقامی آبادی کو پانی کی سہولت فراہم کرسکے۔

(جاری ہے)

ملاقات میں سربندن جیٹی پر ماہیگیروں کے لیے زیرِ تعمیر شیڈ کے لیے این او سی کے معاملے پر بھی گفتگو ہوئی۔

وفد نے منصوبے کی تکمیل میں حائل رکاوٹ دور کرنے اور ماہیگیروں کو سہولت فراہم کرنے کے لیے ضروری این او سی کے اجرا کی درخواست کی چیف انجینئر نے دونوں معاملات کا جائزہ لینے اور واٹر ٹینکی کے لیے مناسب مقام کے تعین سمیت ماہیگیروں کے شیڈ کی این او سی کے معاملے پر ضروری اقدامات کی یقین دہانی۔