Live Updates

حافظ محمد طاہر اشرفی نے حوثیوں کو غیر مسلم اور دہشت گرد قرار دے دیا

حوثیوں کا اسلام سے کوئی تعلق نہیں ہے، جو بھی سعودی عرب کی مخالفت کرتا ہے وہ اسلام اور تمام مسلمانوں کا دشمن ہے؛ سربراہ پاکستان علماء کونسل کا سعودی عرب میں منعقدہ کانفرنس سے خطاب

ساجد علی بدھ 30 ستمبر 2026 12:14

حافظ محمد طاہر اشرفی نے حوثیوں کو غیر مسلم اور دہشت گرد قرار دے دیا

اسلام آباد (اُردو پوائنٹ اخبارتازہ ترین۔ 30 ستمبر 2026ء) پاکستان علماء کونسل کے سربراہ اور وزیراعظم کے کوآرڈینیٹر برائے مذہبی ہم آہنگی و مشرقِ وسطیٰ حافظ طاہر محمود اشرفی نے یمن کے حوثیوں کے خلاف فتویٰ جاری کرتے ہوئے انہیں غیر مسلم اور دہشت گرد قرار دیتے ہوئے کہا ہے کہ حوثیوں کا اسلام کے ساتھ کوئی تعلق نہیں۔

سعودی عرب میں منعقدہ عالمی علماء اور مذہبی رہنماؤں کی بین الاقوامی کانفرنس سے خطاب کرتے ہوئے حافظ طاہر محمود اشرفی نے کہا کہ حوثی دہشت گرد ہیں اور ان کے اسلام سے دور دور تک کا کوئی تعلق نہیں ہے، جو بھی شخص یا گروہ ارضِ مقدس سعودی عرب کی مخالفت اور اس پر حملہ کرتا ہے، وہ اسلام اور تمام مسلمانوں کا کھلا دشمن ہے۔

انہوں نے ان خبروں اور تاثر کو سختی سے رد کر دیا کہ یمن کی جنگ کوئی شیعہ سنی یا مسلکی تصادم ہے اور واضح کیا کہ یہ دو ممالک یا دو فرقوں کے درمیان جنگ نہیں بلکہ ایک دہشت گرد گروہ کی جانب سے بے گناہ انسانوں پر مسلط کردہ کارروائی ہے جسے مسلکی رنگ دینا سراسر غلط ہے۔

(جاری ہے)

Pakistan’s top Muslim cleric declares Houthis NOT MUSLIM at a Saudi Arabia conference

‘Houthis have no connection whatsoever to Islam

Anyone who opposes Saudi Arabia is an ENEMY TO ISLAM and ALL MUSLIMS’ — Hafiz Muhammad Tahir Ashrafi, head of Pakistan Ulema Council pic.twitter.com/uaOG92znBN
— RT (@RT_com) September 29, 2026

حافظ طاہر اشرفی نے حرمین شریفین کی سکیورٹی پر پاکستان کے غیر متزلزل مؤقف کا اعادہ کرتے ہوئے کہا کہ خادم الحرمین الشریفین کی سرزمین کی سکیورٹی ہماری ریڈ لائن ہے، پاکستان کی حکومت، مسلح افواج، جید علماء کرام اور غیور عوام سعودی عرب کے دفاع کے لیے سیسہ پلائی دیوار کی طرح ساتھ کھڑے ہیں۔

اس کے علاوہ اپنے خطاب میں انہوں نے مزید یہ بھی کہا کہ خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کی قیادت میں پاکستان سعودی عرب کے خلاف تمام چیلنجز کا مقابلہ کرنے کے لیے آئندہ بھی بھرپور اور مکمل تعاون جاری رکھے گا۔