فرسٹ کلاس کرکٹ : فواد عالم کم سے کم اننگز میں 9 ہزار رنز مکمل کرنے والے دوسرے پاکستانی پلیئر بن گئے ، کم اننگز میں 9000رنز مکمل کر نے کا ملکی ریکارڈ لٹل ماسٹر حنیف محمد کے پاس ہے

جمعرات 12 نومبر 2015 04:30

کراچی(اُردو پوائنٹ اخبارآن لائن۔12نومبر۔2015ء) ٹیسٹ کرکٹر فواد عالم کم سے کم اننگز میں 9000فرسٹ کلا س رنز مکمل کرنے والے دوسرے تیز ترین ملکی بلے باز بن گئے ہیں۔

(جاری ہے)

30سالہ فواد عالم نے قائد اعظم ٹرافی میں نیشنل بینک کی جانب سے کراچی وائٹس کے خلاف اپنے فرسٹ کلاس کیریئر کی 24ویں سنچری مکمل کرنے کے دوران 190ویں اننگز میں اپنے 9000فرسٹ کلاس رنز مکمل کیے۔ فرسٹ کلا س کرکٹ میں کم سے کم اننگز میں 9000رنز مکمل کر نے کا ملکی ریکارڈ لٹل ماسٹر حنیف محمد کے پاس ہے جنہوں نے 176اننگز میں یہ اعزاز حاصل کیا تھا ،ا س فہرست میں 196اننگز میں یہ اعزاز حاصل کر کے سابق کپتان محمد یوسف تیسرے اور 197اننگز کے ساتھ رضوان الزمان چوتھے نمبر پر موجود ہیں۔