اسلام آباد:ساتویں جماعت کے طالب علم کی خودکشی پر کلاس ٹیچر شامل تفتیش

اسامہ شاگرد تھا ان کے خیالات کو بالکل نہیں جانتی تھیں،شیبہ نوشیرواں کا بیان بظاہر معاملہ خودکشی ہے،لواحقین واقعہ کو غلط رنگ دے رہے ہیں، تفتیشی ٹیم

بدھ 18 جنوری 2017 10:52

اسلام آباد(اُردو پوائنٹ اخبار آن لائن۔18جنوری۔2017ء)اسلام آباد پولیس نے خود کشی کرنے والے ساتویں جماعت کے طالب علم کی کلاس ٹیچر کو شامل تفتیش کر لیا، خاتون ٹیچر کا کہنا ہے کہ وہ اسامہ کو اپنا شاگرد سمجھتی تھی۔تفصیلات کے مطابق اسلام آباد کے نواحی علاقے ترنول میں گزشتہ روز ساتویں جماعت کے طالب علم اسامہ نے مبینہ طور پر خاتون ٹیچر سے محبت میں ناکامی پر خودکشی کر لی تھی۔

(جاری ہے)

پولیس نے تفتیش کا دائرہ کار وسیع کرتے ہوئے سکول ٹیچر شیبہ نوشیرواں کو شامل تفتیش کر کے بیان قلمبند کر لیا ہے،پولیس کو دئیے گئے بیان میں ٹیچر نے بتایا کہ وہ اسامہ کو اپنا شاگرد سمجھتی تھی اور اس کے ان خیالات کے بارے میں بلکل نہیں جانتی تھی ، پولیس نے موقع پر موجود 20 طالب علموں اور اسامہ کے چھوٹے بھائی کا بیان بھی قلمبند کیا ہے۔طالب علموں نے اپنے بیان میں پولیس کو بتایا کہ اسامہ نے سب کے سامنے پستول سے اپنے پیٹ میں گولی ماری ، پولیس کا کہنا ہے کہ اسامہ نے سکول ٹیچر سے محبت سے متعلق خط اپنے چھوٹے بھائی کے ذریعے پرنسپل کو پہنچانے کے لئیکہا تھا،تفتیشی ذرائع کا کہنا ہے کہ واقع خود کشی ہی ہے ، ابھی تک اس میں کوئی اور پہلو نظر نہیں آ رہا ، لڑکے کے رشتہ دار واقع کو غلط رنگ دے رہے ہیں ۔

Facebook Twitter Google + Share on Whatsapp

اسلام آباد:ساتویں جماعت کے طالب علم کی خودکشی پر کلاس ٹیچر شامل تفتیش

اسامہ شاگرد تھا ان کے خیالات کو بالکل نہیں جانتی تھیں،شیبہ نوشیرواں کا بیان بظاہر معاملہ خودکشی ہے،لواحقین واقعہ کو غلط رنگ دے رہے ہیں، تفتیشی ٹیم

بدھ 18 جنوری 2017 کی مزید خبریں