وفاقی دارالحکومت میں رواں سال کے آخر میں سات ماڈرن تھانے قائم کر دیئے جائیں گے،

عالمی معیار کے مطابق فرانزک تحقیقات کا طریقہ کار اختیار کیا جائے گا ایس ایس پی آپریشن ساجد کیانی کی ’’اے پی پی‘‘ سے گفتگو

جمعرات 21 ستمبر 2017 22:29

اسلام آباد ۔ (اُردو پوائنٹ اخبار آن لائن۔ جمعہ 22 ستمبر 2017ء) ایس ایس پی آپریشن ساجد کیانی نے کہا ہے کہ وفاقی دارالحکومت میں رواں سال کے آخر میں سات ماڈرن تھانے قائم کر دیئے جائیں گے، عالمی معیار کے مطابق فرانزک تحقیقات کا طریقہ کار اختیار کیا جائے گا۔ انہوں نے جمعرات کو ’’اے پی پی‘‘ سے خصوصی انٹرویو میں کہا کہ دارالحکومت اسلام آباد میں کار چوری کی وارداتیں کنٹرول کی گئی ہیں، کرایہ داروں کے کوائف جمع کرنے سے ڈکیتی، چوری سمیت دیگر وارداتوں کی شرح میں کمی واقع ہوئی ہے۔

ایک سوال کے جواب میں انہوں نے کہا کہ پولیس کی موجودگی جرائم پیشہ افراد کے حوصلے پست کرتی ہے اور ان میں ایک خوف پیدا کرتی ہے، ٹارچ اور بیریئر کی بجائے اہلکاروں کو ناکوں پر جدید ہتھیاروں اور آلات سے لیس کرنا ہو گا۔

(جاری ہے)

انہوں نے کہا کہ سیف سٹی منصوبہ کے آغاز سے کرائم پر قابو پانے میں مدد ملی ہے، یہ منصوبہ جلد مکمل کرنے کی ضرورت ہے۔ ایک سوال کے جواب میں انہوں نے کہا کہ وفاقی پولیس جلد عالمی معیار کے مطابق فرانزک طریقہ تفتیش و تحقیقات شروع کرے گی۔

انہوں نے کہا کہ دارالحکومت میں اس سال کے اختتام تک 7 نئے ماڈل تھانے قائم کر دیئے جائیں گے۔ آبادی کے لحاظ سے اسلام آباد میں پولیس نفری اور تھانوں کی تعداد میں اضافہ وقت کی اشد ضرورت ہے۔ ایک سوال کے جواب میں انہوں نے کہا کہ فرائض کی ادائیگی کی راہ میں شہید ہونے والے اہلکار ہمارا اثاثہ ہیں، ان کے اہلخانہ کیلئے وزیراعظم پیکیج کے تحت اور محکمہ کی طرف سے کفالت اور امداد کے مختلف پیکیجز پر عملدرآمد کیا جاتا ہے۔ انہوں نے ایک سوال کے جواب میں کہا کہ اسلام آباد میں دہشت گردی کے واقعات پر قابو پایا گیا ہے، انٹیلی جنس اطلاعات سے استفادہ کیا جا رہا ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ

ہفتہ 27 اپریل 2024 - 23:31

حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی

ہفتہ 27 اپریل 2024 - 23:21

وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور

ہفتہ 27 اپریل 2024 - 23:16

خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان

ہفتہ 27 اپریل 2024 - 22:29

ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا

ہفتہ 27 اپریل 2024 - 21:19

ہفتہ 27 اپریل 2024 - 18:14

وفاقی دارالحکومت میں رواں سال کے آخر میں سات ماڈرن تھانے قائم کر دیئے جائیں گے،

عالمی معیار کے مطابق فرانزک تحقیقات کا طریقہ کار اختیار کیا جائے گا ایس ایس پی آپریشن ساجد کیانی کی ’’اے پی پی‘‘ سے گفتگو

مزید متعلقہ خبریں پڑھئیے‎ :

متعلقہ عنوان :

جمعہ 22 ستمبر 2017 کی مزید خبریں