سوئٹزرلینڈ میں دنیا کی سب سے ڈھلواں ریلوے لائن تیار

ریلوے لائن پر پانچ کروڑ 30 لاکھ امریکی ڈالر لاگت آئی ، مکمل ہونے میں 14 سال لگے

اتوار 17 دسمبر 2017 19:50

جنیوا (اُردو پوائنٹ اخبار آن لائن۔ اتوار 17 دسمبر 2017ء)سوئٹزرلینڈ میں دنیا کی سب سے ڈھلواں ریلوے لائن کا افتتاح کردیا گیا ہے ۔یہ پہاڑی ریل لائن شاوز شہر سے سٹوس گاؤں تک جاتی ہے اور چار منٹ میں یہ اپنا سفر پورا کرتی ہے۔بی بی سی رپورٹ کے مطابق ریلوے لائن پر پانچ کروڑ 30 لاکھ امریکی ڈالر لاگت آئی ہے جبکہ اسے مکمل ہونے میں 14 سال لگے ہیں ۔

(جاری ہے)

یہ ریلوے لائن اتنی ڈھلواں ہے کہ اس کے لیے مخصوص قسم کی بوگیاں بنائی گئی ہیں تاکہ نیچے جاتے ہوئے یا اوپر آتے ہوئے مسافر ٹھیک سے بیٹھے رہ سکیں۔ یہ ریلوے لائن سطح سمندر سے 1300 میٹر کی بلندی پر بنائی گئی ہے اور سوئٹزرلینڈ کی صدر ڈورس لوتھارڈ اس کا افتتاح کریں گی۔اطلاعات کے مطابق کئی جگہ یہ ٹرین 110 فی صد تک ترچھی ہو جاتی ہے۔ 1738 میٹر کے راستے میں 743 میٹر چڑھائی ہے۔ اس کی رفتار کے بارے میں کہا جا رہا ہے کہ یہ 10 میٹر فی سیکنڈ کی رفتار سے چلے گی۔سوئٹزرلینڈ میں ریلوے کے ترجمان ایوان سٹینر نے کہا: '14 سال کی منصوبہ بندی اور تعمیر کے بعد سب کو اس ٹرین پر فخر ہی