بھارتی سپریم کورٹ نے تاریخ رقم کر دی،رات 2بجے اہم کیس کی سماعت

جمعرات مئی 18:25

نئی دہلی(اُردو پوائنٹ اخبار آن لائن۔ جمعرات مئی ء)بھارتی سپریم کورٹ نی تاریخ میں پہلی باررات 2بجے اہم کیس کی سماعت کر کے تاریخ رقم کردی، سماعت 3گھنٹے جاری رہی۔بھارتی میڈیا کے مطابق بھارتی سپریم کورٹ نے تاریخ میں پہلی بار ایک ایسے کیس کی سماعت کی جو رات 2 بجے شروع ہوکر تین گھنٹے جاری رہی ۔سپریم کورٹ آف انڈیا نے کانگریس کی جانب سے بی جے پی کو حکومت سازی سے روکنے کی استدعا مسترد کر دی اور بی جے پی کے رہنما بی ایس یڈیو رپا کو حلف اٹھانے کی اجازت دے دی۔

بھارتی ریاست کرناٹک کیانتخابات میں بھارتیہ جنتا پارٹی 104 نشستیں جیت کر سب سے بڑی پارٹی بنی، تنازع اس وقت شروع ہوا جب گورنر نے بی جی پی کو حکومت بنانے کی ہدایت کی۔بھارتی آئین کے تحت حکومت سازی کے لیے کسی بھی جماعت یا اتحاد کو کم از کم 112 سیٹیں درکار ہوتی ہیں۔

(جاری ہے)

انتخابات میں کانگریس نے 78 نشستیں جیتی تھیں جبکہ اسکی انتخابی اتحادی جنتا دل پارٹی نے 38 سیٹیں جیتیں مگر گورنر نے انہیں حکومت سازی کی پیش کش نہیں کی تھی۔اس معاملے پر کانگریس اور جنتا دل نے عدالت میں حکم امتناع کے لیے درخواست دی تھی، سپریم کورٹ کے تین سینئر ججوں نے کیس کی سماعت کی مگر فیصلہ بی جے پی کے حق میں ہی آیا اور بی جے پی کو حکومت سازی کی اجازت دے دی گئی ۔

Your Thoughts and Comments