Zindagi Ka Anmol Sabaq - Article No. 2298
زندگی کا انمول سبق - تحریر نمبر 2298
جو ہوتا ہے اچھے کے لئے ہوتا ہے
پیر 4 جولائی 2022
یہ ایک بادشاہ کی پرانی کہانی ہے۔اُس کا ایک بچپن کا دوست تھا جس کے ساتھ وہ کھیل کود کر جوان ہوا تھا۔بادشاہ اپنے اُس دوست کو ہمہ وقت ساتھ رکھتا تھا۔اُس کی عادت تھی کہ اُس کی زندگی میں خواہ کوئی بھی اچھی بُری بات ہو وہ ہمیشہ یہ ہی کہتا کہ جو ہوتا ہے اچھے کے لئے ہوتا ہے۔
ایک دن بادشاہ اور اُس کا دوست شکار کیلئے جنگل میں گئے۔دوست نے بادشاہ کیلئے بندوق میں گولی بھری اور بندوق تیار کرکے بادشاہ کو دی لیکن گولی بھرنے میں اُس سے کچھ غلطی ہو گئی اور جب بادشاہ نے شکار کے لئے گولی چلائی تو اُس کا انگوٹھا کٹ گیا۔یہ صورتحال دیکھ کر دوست نے اپنی عادت کے مطابق کہا ”جو ہوتا ہے اچھے کے لئے ہوتا ہے،اس میں یقینا کوئی بہتری ہو گی“۔
(جاری ہے)
یہ سُن کر بادشاہ کو شدید غصہ آیا اور بولا:”یہ بہتر نہیں ہے،میرا انگوٹھا ضائع ہو گیا ہے“۔
اور تم کہہ رہے ہو اچھا ہوا اور ساتھ ہی حکم جاری کیا کہ اسے قید خانے میں ڈال دیا جائے۔ایک سال بعد بادشاہ دوبارہ ایک جگہ شکار کھیلنے گیا۔وہاں بدقسمتی سے اُسے آدم خور جنگلیوں نے پکڑ لیا اور اپنے علاقے میں لے گئے۔اُنہوں نے بادشاہ کے ہاتھ باندھ دیئے۔اب آگ جلا کر وہ بادشاہ کو جلانے ہی والے تھے کہ اُن کی نظر بادشاہ کے انگوٹھے پر پڑی تو پتہ چلا کہ بادشاہ ایک انگوٹھے سے معذور ہے۔
وہمی اور تو ہم پرست قوم ہونے کی وجہ سے وہ کسی نامکمل انسان کو نہیں کھاتے تھے لہٰذا انہوں نے بادشاہ کو رہا کر دیا۔جب بادشاہ گرتا پڑتا اپنے محل میں پہنچا تو اُسے خیال آیا کہ کس طرح اُس کا انگوٹھا کٹ گیا تھا اور اُس نے اپنے دوست کو جیل میں بھجوا دیا تھا۔فوراً اُس نے اپنے خدام کو حکم دیا کہ اُس کے دوست کو باعزت دربار میں پیش کیا جائے۔جب اُس کا دوست آیا تو بادشاہ نے اُسے سارا حال سُنایا اور کہا کہ میں نے تمہارے ساتھ بہت بُرا کیا۔مجھے ایسا نہیں کرنا چاہیے تھا،مجھے معاف کر دو۔تم صحیح تھے وہ اچھا اور بہتر ہی ہوا تھا کہ میرا انگوٹھا کٹ گیا تھا۔آج اس انگوٹھے کے نہ ہونے کی وجہ سے میری جان بچ گئی۔
یہ سُن کر بادشاہ کا دوست مسکرایا اور بولا:”یہ بھی بہتر ہی ہوا کہ آپ نے مجھے جیل بھجوا دیا“۔اپنے دوست کی یہ بات سُن کر بادشاہ بہت حیران ہوا اور کہنے لگا کہ یہ اچھا اور بہتر کس طرح تھا۔تم ایک سال تک جیل میں رہے اور کہہ رہے ہو کہ اچھا ہوا۔دوست مسکرا کر بولا:”ہاں!اچھا ہوا اور بہت بہتر ہوا کہ اگر میں جیل میں نہ ہوتا تو یقینا میں تمہارے ساتھ ہوتا اور وہ جنگلی اب تک مجھے ہڑپ کر چکے ہوتے کیونکہ میرا انگوٹھا صحیح سالم ہے“۔زندگی میں اکثر جو کچھ بھی ہوتا ہے وہ یقینا اچھے کیلئے ہی ہوتا ہے۔
لیکن انسان فطرتاً جلد باز واقع ہوا ہے اور اُسی وقت نتیجہ چاہتا ہے جبکہ قدرت کا نتیجہ تھوڑے وقفے کے بعد ظاہر ہوتا ہے۔فرق صرف اتنا ہے کہ اُمید کا سہارا کبھی نہیں چھوڑنا چاہئے اور سوچ ہمیشہ مثبت رکھنی چاہئے۔
Browse More Moral Stories
غلط فہمی
Ghalat Fehmi
عقلمندی کا انعام۔۔۔تحریر: مختار احمد
Aqalmandi Ka Inaam
حسد کی سزا
Hasad Ki Saza
بیل اور گدھے کی کہانی
Bail Or Gadhy Ki Kahani
چار دوست
4 Dost
سونے کا دیوانہ بادشاہ
Soone Ka Dewana Badshah
Urdu Jokes
”امی“
Ami
سوئی دھاگہ
Sui dhaga
اخراجات کا ذمہ دار
akhrajat ka zimmedar
سینڈوچ
sandwich
کیشئر ڈاکووں سے
cashier dakuon se
بھارتی فوجی
Bharti foji
Urdu Paheliyan
تول میں پوی لے کر آئے
toul me pori le kar aye
جب بھی وہ قرآن اٹھائے
jab bhi wo quran uthaye
اس کے ایک طرف ہے کھال
uske aik taraf he khaal
سب نے دیکھا ہے ان کو
sab ne dekha hai unko
گز بھر کی پانی کی دھار
ghar bhar ki pani ki dhaar
گھوم گھوم کر گیت سنائے
ghoom ghoom ke geet sunaye