صدر آزاد کشمیر نے مقبوضہ کشمیر کی خصوصی حیثیت بارے بھارتی حکومت کے فیصلے کو مسترد کر دیا
کشمیر ایک بین الاقوامی تنازعہ ہے،بھارت یکطرفہ طور پر ایسا کوئی فیصلہ نہیں کر سکتا جس سے اس تنازعے کی بنیادی اہمیت تبدیل ہو جائے، بھارت نے کسی قسم کی جارحیت مسلط کرنے کی کوشش کی تو اسے بھاری قیمت ادا کرنا پڑیگی،سردار مسعود خان صدر آزا د کشمیر کی وزیر اعلیٰ،ڈپٹی چیف ایگزیکٹیو ٰ گلگت بلتستان سے ملاقات،مقبوضہ کشمیر کی تازہ ترین صورتحال بارے گفتگو
پیر 5 اگست 2019 18:07
(جاری ہے)
کشمیر کا مسئلہ ڈیڑھ کروڑ انسانوں کے مستقبل کا معاملہ ہے جسے کسی صدارتی حکم کے ذریعے ختم نہیں کیا جا سکتا۔
انہوں نے کہا کہ بھارت آزادکشمیر اور پاکستان کے خلاف جارحیت کا خیال ذہن سے نکال لے اگر دشمن نے کسی قسم کا مس ایڈونچر کیا تو اسے خنجراب سے لے کر بھمبر تک آباد کشمیریوں کی طرف سے منہ توڑ جواب ملے گا۔ دہلی کے حکمرانوں کی حماقتوں اور کشمیر دشمن پالیسیوں نے ان جماعتوں اور سیاست دانوں کو بھی بھارت سے منہ موڑنے پر مجبور کر دیا ہے جو کشمیر کے اندر ہمیشہ بھارت کی ہمنوائی کرتے تھے۔ آج لداخ ، جموں، وادی کشمیر ، گلگت بلتستان اور آزادکشمیر کے عوام پاکستان سے محبت کا اظہار اس لئے کرتے ہیں کیونکہ پاکستان نے تنازعہ کشمیر پر ہمیشہ اصولی موقف اختیار کئے رکھا اور مشکل وقت میں کبھی کشمیریوں کو تنہا نہیں چھوڑا۔ گلگت بلتستان کے عوام کے آئینی، سیاسی اور معاشی حقوق کے مطالبہ کی حمایت کرتے ہوئے صدر آزادکشمیر نے کہا کہ گلگت بلتستان کے عوام کو بہت سے حقوق مل چکے ہیں لیکن جو کمی رہ گئی ہے اس کے لئے ہم ان کے ساتھ مل کر جدوجہد کریں گے۔ صدر آزادکشمیر نے کہا کہ بھارتی حکومت مقبوضہ جموں وکشمیر میں فوج کے تازہ دم دستے تعینات کر رہی ہے جس کا مقصد مقبوضہ کشمیر کے بارے میں اپنے تازہ اقدامات کے خلاف کشمیریوں کے متوقع ردعمل کو فوجی طاقت کے ذریعے کچلنا ہے۔ انہوں نے کہا کہ لائن آف کنٹرول پر سیز فائر معائدے کی خلاف ورزی کرتے ہوئے بھارتی فوج شہری آبادیوں کو بلا جواز نشانہ بنا رہی ہے جبکہ وادی کشمیر کے اندر انٹرنیٹ کی بندش اور میڈیا پر مکمل سنسر شپ عائد کر دی گئی ہے جس سے یہ قیاس آرائیاں جنم لے رہی ہیں کہ جنگی جنون میں مبتلا بھارتی حکومت پاکستان یا آزادکشمیر کے خلاف کوئی جارحانہ کارروائی کر سکتی ہے۔ صدر آزادکشمیر نے کہا کہ اگر بھارت نے آزادکشمیر اور پاکستان کے خلاف کسی قسم جارحیت مسلط کرنے کی کوشش کی تو اسے اس کی بھاری قیمت ادا کرنا پڑے گی۔ انہوں نے کہا کہ لداخ، جموں ، وادی کشمیر، آزادکشمیر اور گلگت بلتستان کے عوام ایک تسبیح کے مختلف دانوں کی مانند ہیں جن کی تاریخ، جغرافیہ اور منزل ایک ہے اس لئے دنیا کی کوئی طاقت ان کے درمیان دوری نہیں پیدا کر سکتی۔ گلگت بلتستان کے عوام نے بہادری شجاعت اور قربانیوں کی ایک لازوال داستان رقم کر کے یہ خطہ آزادک کرایا تھا اور اسی جذبے سے آزادکشمیر کے لوگوں نے ڈوگرہ فوج سے لڑ کر جو علاقہ آزادکرایا تھا وہ اب آزادجموں وکشمیر کا علاقہ ہے۔ آزادکشمیر و گلگت بلتستان کے لوگوں کی آزادی کی تاریخ بھی ایک ہے اور ان کی منزل بھی ایک ہے۔ لہذا دونوں خطوں کے عوام ایک دوسرے کے ساتھ گہرے قلبی، روحانی اور تہذیبی رشتے سے منسلک ہیں ۔ انہوں نے مزید کہا کہ گلگت بلتستان کے عوام کو وہ تمام آئینی سیاسی اور معاشی حقوق ملنے چاہیں جو ان کا حق ہے لیکن ایسا کوئی اقدام نہیں ہونا چاہیے جس سے کشمیریوں کی تحریک آزادی کو نقصان پہنچے ۔ صدر آزادکشمیر نے کہا کہ گلگت بلتستان کے لوگ اس اعتبار سے خوش قسمت ہیں کہ ان کے درمیان سے چین پاکستان اقتصادی راہداری کی مرکزی شریان گزرے گی جس سے اس علاقے کے عوام کو بے پناہ معاشی اور اقتصادی فوائد حاصل ہو نگے۔ اہل گلگت بلتستان کی طرف سے استور۔ شونٹر نالہ روڈ کی تعمیر کے مطالبے کی حمایت کرتے ہوئے صدر سردار مسعود خان نے کہا کہ اس سڑک کی تعمیر ایک دیرینہ خواب ہے اور ہماری یہ خواہش ہے کہ یہ خواب جلد شرمندہ تعبیر ہو تاکہ دونوں خطوں کے عوام کے درمیان فاصلے کم ہوں اور وہ ایک دوسرے کے ساتھ منسلک ہو جائیں۔گلگت میں شائع ہونے والی مزید خبریں
مانسہرہ سے گلگت بلتستان تک موٹروے گیم چینجر ہو گی، عبد العلیم خان
مانسہرہ سے گلگت بلتستان تک موٹروے گیم چینجر ہو گی، عبد العلیم خان
وزیراعلیٰ گلگت بلتستان کا شاہراہ قراقرم پر موٹروے پولیس تعینات کرنے کا مطالبہ
گلگت بلتستان میں روڈ انفرسٹرکچر کی بہتری سے گلگت بلتستان میں غربت کا خاتمہ ہوگا، وزیر اعلیٰ
وزیر اعلی گلگت بلتستان کا کے کے ایچ پر موٹر وے پولیس کی تعیناتی کے لیے وزیر اعظم کو خصوصی مراسلہ تحریر
KKH پر موٹر وے پولیس کی تعیناتی عمل میں لانے کے لیے وزیر اعظم کو خصوصی مراسلہ تحریر کیا ہے،وزیراعلی گلگت ..
وزیر اعلی گلگت گلبر خان کی ڈی جی ایف ڈبلیو او کو سکردو روڈ کی جلد بحالی یقینی بنانے کی ہدایت
وزیر اعلیٰ گلگت بلتستان نے پی ایچ کیو ہسپتال میں چلاس بس حادثے کے زخمیوں کی عیادت کی
گلگت بلتستان میں جگلوٹ -سکردو روڈ ، بھاری لینڈ سلائیڈنگ کے باعث ہر طرح کی ٹریفک کے لئے بند
وزیر اعلی گلگت بلتستان حاجی گلبر خان کی پی ایچ کیو ہسپتال میں چلاس بس حادثے کے زخمیوں کی عیادت
صحافت انتہائی اہم اور مقدس شعبہ ہے،وزیر اعلیٰ گلگت بلتستان حاجی گلبر خان
صحافت کی آزادی، خبر تک رسائی اور صحافتی حقوق کی بھرپور حمایت و تائید کرتے ہیں، فاروق میر
گلگت سے متعلقہ
پاکستان کی تازہ ترین خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
فیض آباد دھرنا انکوائری کمیشن کی رپورٹ سپریم کورٹ میں جمع
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر