اسلام آباد، خواتین کے بھرپور کردار کے بغیر کوئی ملک ترقی نہیں کر سکتا ، احسن اقبال
وفاقی پولیس میں خواتین کی تعداد بڑھانے کیلئے فوری اقدامات کئے جائیں ، خاتون ایس ایچ او تعینات کی جائے ، اسلام آباد پولیس کا الگ ہسپتال بنانے کیلئے 2ارب روپے مختص کئے ہیں پولیس محکوموں اور کمزوروں کی طاقت اور سہارا ہے ، خواتین اہلکاروں کو بہتر ماحول فراہم کیا جائے،اسلام آباد پولیس خواتین اہلکاروں کو تحفظ فراہم کرنے کے حوالے سے ماڈل بنے، وفاقی وزیرداخلہ
جمعہ 20 اپریل 2018 23:48
(جاری ہے)
وزیرداخلہ نے خواتین پولیس کی شکایات ،مسائل اور تجاویز بھی سنیں۔ وزیرداخلہ احسن اقبال نے کہا کہ خواتین پولیس اہلکاروں کے حوالے سے گمنام شکایات کے درست یا غلط ہونے سے قطع نظرمیں نے ضروری سمجھا کہ خود ان سے ملاقات کروں اسی لئے میں نے لندن سے ہی آئی جی کو ہدایت کی کہ خواتین پولیس اہلکاروں کو جمع کریں ۔
و زیرداخلہ نے کہا کہ خواتین ہماری آبادی کے نصف سے بھی زائد 52فیصد ہیں ، انہیں ترقی کے عمل میں شامل کئے بغیر ملک ترقی نہیں کر سکتا ، تعلیم کے میدان سمیت ہر شعبے میں خواتین کامیابی کے جھنڈے گاڑ رہی ہیں ، کسی بھی عام یونیورسٹی میں جائیں وہاں لڑکیاں زیادہ ہیں ، حتیٰ کہ میرے اپنے حلقے نارووال میں یونیورسٹی کیمپس میں ساڑھے تین ہزار طلباء میں سے 80فیصد طالبات ہیں ، پہلے کلاس میں طلباء کم اور طالبات زیادہ نظر آئی ہیں ، یہ بڑی تبدیلی ہے جو سارے معاشرے میں رونما ہوئی ہے ، خواتین اب ہر شعبے میں آگے آرہی ہیں حتیٰ کہ سیکیورٹی کا شعبہ جو صرف مردوں تک محدود تھا وہ بھی وہاں بھی خواتین نظر آتی ہیں کیونکہ پرانے تصورات بدل گئے ہیں ، یہ کمیونٹی پولیسنگ کا دور ہے جس میں خواتین کیلئے مواقع مردوں کے برابر ہیں ۔ انسداد دہشت گردی کے شعبے میں بھی کارکردگی کے لحاظ سے وہ مردوں سے پیچھے تھیں ۔ میں نے اپنی فیس بک پر ٹیرازم کی تربیت لینے والی خواتین اہلکاروں کی تصویر لگائی تاکہ پاکستان کا امیج دنیا میں اجاگر ہو۔ وزیرداخلہ نے ہدایت کی کہ خواتین اہلکاروں کی تعداد فوری دگنا کی جائے اور جلد اسے 10فیصد تک لانے کیلئے اقدامات کئے جائیں کیونکہ اس وقت مردوں کے تناسب سے بہت کم تعداد میں خواتین اہلکار ہیں ۔ وزیرداخلہ نے کہا کہ خواتین اہلکاروں کو ہراساں کرنے کی جو شکایت سامنے آئی اس کے درست یا غلط ہونے سے قطع نظر یہ ایک حساس مسئلہ ہے ۔ اسلام آباد پولیس میں خواتین کو مثالی اور گھر جیسا ماحول فراہم کیا جائے اور انہیں پولیس فورس کے خاندان کے اندر بیٹی یا بہن کی حیثیت حاصل ہونی چاہیے ، ایسا ماحول جو کہ انہیں ہراساں کرنا تو دور کی بات کوئی ایسی سوچ بھی دل میں نہ لا سکے ۔ اور اس مسئلے کے مستقل حل کیلئے ایس پی سطح کی خاتون افسر کو محتسب کے طور پر مقرر کیا جائے تا کہ اگر کسی اہلکار کو شکایت ہو تو بلا خوف وخطر شکایت کر سکے ۔ خواتین اہلکاروں کیلئے ڈے کیئر کو مثالی بنایا جائے تا کہ وہ اپنے فرائض منصبی بے فکری سے سرانجام دے سکیں ۔انہوں نے کہا کہ میں نے ہدایت کی تھی کہ لیڈی ایس ایچ اور تعینات کی جائے لیکن بتایا گیا ہے کہ کوئی آفیسر سب انسپکٹر نہیں ہے ۔ وزیرداخلہ نے ہدایت کی کہ کسی خاتون افسر کو ترقی دے کر ایس ایچ او لگایا جائے یا کسی آفیسر کو ڈیپوٹیشن پر لانا پڑے تو لایا جائے ۔ وزیرداخلہ نے کہا کہ اینٹی رائٹ پولیس کیلئے ایک ارب مختص کئے گئے ہیں جبکہ 2ارب روپے اسلام آباد پولیس کے ہسپتال کیلئے رکھے گئے ہیں ۔ اسلام آباد پولیس کا اپنا ہسپتال ہونا چاہیے ، پولیس جان ہتھیلی پر رکھ کر کام کر رہی ہیں اسے بہترین سہولیات مہیا ہونی چاہیئں ، صوبوں کو بھی اس حوالے سے کام کرنا چاہیے ۔انہوں نے خواتین پولیس اہلکاروں کی آمدورفت کیلئے ٹرانسپورٹ کی سہولیات فراہم کرنے اور ان کیلئے فزیکل فٹنس کلب بنانے کی بھی ہدایت کی ۔انہوں نے کہا کہ خواتین پولیس کیلئے ایسا ماحول فراہم کیا جائے جس میں وہ کسی بھی دبائو اور کود سے آزاد ہو کر کام کر سکیں اور اسلام آباد کو باقی ملک کیلئے مثال بنایا جائے گا ۔انہوں نے پولیس پر زوردیا کہ وہ اپنے فرائض منصبی کو سلیوٹ کریں اور تحفظ کیلئے ان کی طرف دیکھیں ، پولیس کمزوروں اور محکموں کی طاقت بنے ۔ وزیرداخلہ نے کہا کہ سات ماڈل پولیس سٹیشن تیار ہو گئے ہیں ۔ مزید سات بھی بنائے جائیں گے اور تمام 22قانون کو جدید سہولیات سے آراستہ کیا جائے گا لیکن پولیس کو اپنا رویہ اور کردار بھی مثالی بنانا ہوگا ۔ قبل ازیں آئی جی اسلام آباد نے کہا کہ وزیرداخلہ کی آمد سے بالخصوص خواتین کے حوصلے بلند ہو ئے ہیں ۔ اسلام آباد پولیس میں 289پولیس اہلکار ہیں اور تمام ڈویژنر میں کام کر رہی ہیں ، 47خواتین اہلکار انسداد دہشت گردی کے شعبے میں کام کر رہی ہیں ، خواتین کی تعداد2.5فیصد سے بھی زائد ہے ۔ خواتین اہلکاروں کی شکایت میں 12اور برطانیہ میں 28فیصد سے بھی زائد ہیں ۔ خواتین اہلکاروں کی شکایات کے ازالے کیلئے 2012سے انسداد ہراسیت کمیٹی کام کر رہی ہے ۔ ہراساں کرنے گمنام شکایت کی تحقیقات کی جا رہی ہیں ، جو بھی ملوث پایا گیا اس کے خلاف سخت کارروائی کی جائے گی ۔ وزیرداخلہ نے تقریب میں خواتین اہلکاروں کے سوالات کے جوابات بھی دیے اور ان کے لئے کوارٹرز، الگ بیرکس تعمیر کرنے کے علاوہ 2روز قبل حادثے میں جاں بحق ہونے والی خاتون اہلکار کی بہن کو نوکری فراہم کرنے کا بھی اعلان کیا ۔۔۔۔اسلام آباد میں شائع ہونے والی مزید خبریں
بس ڈرائیوروں کےلیے یکساں یونیفارم کا قانون نافذ کر دیا گیا ہے، سعودی ٹرانسپورٹ جنرل اتھارٹی
پاکستان اور نیوزی لینڈ کی کرکٹ ٹیموں کے درمیان پانچواں اور آخری ٹی20 میچ ہفتہ کو قذافی سٹیڈیم لاہورمیں ..
قانون کے پیشہ کی فلاح و بہبود اور ترقی اولین ترجیح ہے ، اعظم نذیر تارڑ
کیسز میں تاخیر کو کم کرنے، شفافیت کو بڑھانے، عدالتی عمل کو تیز کرنے میں ٹیکنالوجی سے استفادہ ضروری ہے،نیشنل ..
علامہ اقبال نے امت مسلمہ کو فکر، امید کی نئی جہت دی،وزیر خارجہ سینیٹر اسحاق ڈار
پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
وفاقی دارالحکومت میں پولن کی مجموعی مقدار میں اضافہ ریکارڈ
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے ..
آئیسکو نے بجلی کی عارضی بندش کا دو روزہ شیڈول جاری کر دیا
وفاقی وزیر بحری امور قیصر احمد شیخ سے پاکستان میں ڈنمارک کے سفیر کی سربراہی میں وفد کی ملاقات
پاکستان نے امریکی محکمہ خارجہ کی طرف سے جاری انسانی حقوق کے طریقوں سے متعلق 2023 کی رپورٹ کو مسترد کر دیا
اسلام آباد سے متعلقہ
پاکستان کی تازہ ترین خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت