وزیراعظم نے جمشید اقبال چیمہ کا استعفیٰ منظور کرلیا

اپوزیشن عوام کو اشتعال دلا رہی ہے،2011 کے بعد اب ایکسپورٹس بڑھی ہیں، جمشید چیمہ

پیر 25 اکتوبر 2021 15:15

وزیراعظم نے جمشید اقبال چیمہ کا استعفیٰ منظور کرلیا

اسلام آباد (اُردو پوائنٹ اخبارتازہ ترین - این این آئی۔ 25 اکتوبر2021ء) وزیراعظم عمران خان نے جمشید اقبال چیمہ کا بطور معاونِ خصوصی استعفیٰ منظور کرلیا۔ کابینہ ڈویژن نے استعفے کی منظوری کا نوٹیفیکیشن جاری کردیا، نوٹی فکیشن کے مطابق استعفیٰ کی منظوری کا اطلاق 22 اکتوبر 2021 سے ہوگا۔جمشید اقبال چیمہ نے گزشتہ دنوں معاون خصوصی فوڈ سیکیورٹی کے عہدے سے استعفیٰ دیا تھا، پی ٹی آئی نیاین اے 133 لاہور کے ضمنی الیکشن کیلئے جمشید چیمہ کو امیدوار نامزد کیا ہے۔

(جاری ہے)

مسلم لیگ(ن) کے پرویز ملک کے انتقال کے باعث این ای133 لاہور کی نشست خالی ہوئی ہے۔جمشید اقبال چیمہ نے الیکشن کمیشن کے باہر میڈیا سے گفتگو میں کہا کہ مہنگائی ٹی وی پر نظر آتی ہے، پوری دنیا میں مہنگائی آئی ہے۔جمشید اقبال چیمہ نے کہا کہ اپوزیشن نے کبھی ذکر نہیں کیا کہ سندھ میں مہنگائی زیادہ ہے، اپوزیشن عوام کو اشتعال دلا رہی ہے،2011 کے بعد اب ایکسپورٹس بڑھی ہیں۔انہوں نے کہا کہ این اے 133 کی صوبائی نشستوں سے ہمارے ایم پی ایز جیتے ہوئے ہیں، این اے 133 کا الیکشن ہم بڑے مارجن سے جیتیں گے۔