شہباز گل صرف ڈرامے بازی کر رہے ہیں، ان پر کوئی تشدد نہیں کیا گیا، رانا ثنااللہ

عمران خان ہمیشہ کی طرح جھوٹ بول رہے ہیں کہ جنسی ذیادتی ہوئی ہے، اگر یہ سمجھتے ہیں کہ کسی نےکوئی ذیادتی کی ہے تو اُس کے خلاف درخواست دیں، وریر داخلہ رانا ثنااللہ

دانش احمد انصاری ہفتہ 20 اگست 2022 07:19

شہباز گل صرف ڈرامے بازی کر رہے ہیں، ان پر کوئی تشدد نہیں کیا گیا، رانا ثنااللہ

اسلام آباد (اردوپوائنٹ اخبارتازہ ترین۔ 20 اگست 2022ء) شہباز گل صرف ڈرامے بازی کر رہے ہیں، ان پر کوئی تشدد نہیں کیا گیا، عمران خان ہمیشہ کی طرح جھوٹ بول رہے ہیں کہ جنسی ذیادتی ہوئی ہے، اگر یہ سمجھتے ہیں کہ کسی نےکوئی ذیادتی کی ہے تو اُس کے خلاف درخواست دیں، وریر داخلہ رانا ثنااللہ۔ تفصیلات کے مطابق وفاقی وزیرداخلہ رانا ثنا اللہ کا کہنا ہے کہ شہبازگل سے کسی قسم کی کوئی ذیادتی نہیں ہوئی۔

وزیرداخلہ رانا ثنااللہ نے جیو نیوز سے ٹیلی فونک گفتگو کرتے ہوئے کہا کہ شہباز گل صرف ڈرامے بازی کر رہے ان پر کوئی تشدد نہیں کیا گیا۔ انہوں نے کہاکہ عمران خان ہمیشہ کی طرح جھوٹ بول رہے ہیں کہ جنسی ذیادتی ہوئی ہے، اگر یہ سمجھتے ہیں کہ کسی نےکوئی ذیادتی کی ہے تو اُس کے خلاف درخواست دیں۔

(جاری ہے)

رانا ثنا اللہ کا کہنا تھا کہ پی ٹی آئی والوں نے پمز اسپتال یا ریڈزون پر حملہ کرنے کی کوشش کی تو قانونی کارروائی ہوگی۔

ان کا کہنا تھا کہ عمران خان کو معلوم ہے توشہ خانہ اور فارن فنڈنگ کا فیصلہ آنے والا ہے اس لیے وہ جھوٹا پروپیگنڈا کر رہے ہیں۔ یاد رہے کہ گزشتہ روز چیئرمین تحریک انصاف عمران خان کا کہنا تھا کہ تصاویر اور ویڈیوز میں واضح ہے کہ شہباز گِل کو ذہنی اور جسمانی طور پر تشدد کانشانہ بنایا گیا۔ اپنی ٹوئٹ میں عمران خان نے دعویٰ کیا کہ شہباز گل پر تشدد میں جنسی زیادتی بھی شامل ہے، شہباز گل کو توڑنے کیلئے ذلیل کیا گیا، میرے پاس مکمل تفصیلی معلومات ہیں۔