قلات ،ْسیکیورٹی فورسز کے آپریشن میں 4 دہشتگرد ہلاک،

دو سپاہی شہید ،ْچار دہشتگرد مارے گئے دہشت گرد بلوچستان میں دہشت گردی کی بڑی کارروائیوں کا منصوبہ بنارہے تھے ،ْترجمان پاک فوج

جمعرات 27 ستمبر 2018 14:34

قلات ،ْسیکیورٹی فورسز کے آپریشن میں 4 دہشتگرد ہلاک،

قلات (اُردو پوائنٹ اخبارتازہ ترین - این این آئی۔ 27 ستمبر2018ء) آپریشن ردالفساد کے سلسلے میں قلات کے علاقے منگھوچر میں سیکیورٹی فورسز کے آپریشن میں 4 دہشت گرد مارے گئے ،ْ دو سپاہی بھی شہید ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق سیکیورٹی فورسز نے قلات کے علاقے منگھوچر میں خفیہ اطلاع پر آپریشن کیا۔

آئی ایس پی آر کے مطابق آپریشن کے دوران 4 دہشت گرد ہلاک ہوگئے ،ْ 2 سپاہی شہید اور 2 زخمی بھی ہوئے۔

(جاری ہے)

ترجمان پاک فوج کے مطابق دہشت گرد بلوچستان میں دہشت گردی کی بڑی کارروائیوں کا منصوبہ بنارہے تھے۔آئی ایس پی آر کے مطابق آپریشن کے دوران شہید ہونے والے سپاہی محمد وارث شاہبان کا تعلق جھنگ سے تھا جس نے سوگواران میں ایک بیوہ اور دو بیٹے چھوڑے جبکہ سپاہی میر عالم کا تعلق گلگت بلتستان سے تھا ،ْآپریشن کے دوران 2 خودکش جیکٹس اور بڑی تعداد میں اسلحہ و گولہ بارود برآمد کیا گیا۔خیال رہے کہ 22 ستمبر کو شمالی وزیرستان میں سیکیورٹی فورسز کے آپریشن کے دوران ایک افسر سمیت 7 اہلکار شہید جب کہ 9 دہشت گرد ہلاک ہوگئے تھے۔