پاکستان میں 20ملین سے زائد افراد ذیابیطس کا شکار!
ذیابیطس کے پھیلاؤ میں پاکستان دنیا کے سرِفہرست 10ممالک میں شامل۔ملک کے 17.1فیصد سے زائد بالغ افراد ذیابیطس کے مریض ہیں!
جمعرات 14 نومبر 2019 13:33
رپورٹ میں مزید انکشاف کیا گیا ہے کہ پاکستان میں ذیابیطس کا پھیلاؤ17.1 فیصدتک جاپہنچا ہے جو اس سے پہلے شائع ہونے والے اعدادوشمار کے مقابلے میں 148فیصد زیادہ ہے۔2019میں شائع ہونے والی رپورٹ کے مطابق ملک میں19ملین سے زائد ذیابیطس کے مریض بن چکے ہیں جس سے انہیں جان لیوا پیچیدگیا لاحق ہونے کا خطرہ پیدا ہوگیا ہے۔
(جاری ہے)
ان 19ملین میں سے8.5ملین غیر تشخیص شدہ ہیں جس کے نتیجے میں ان کی جان کو شدید خطرات لاحق ہیں۔
ایک اندازے کے مطابق عالمی سطح پر 2017کے مقابلے میں 38ملین زائد بالغ افراد ذیابیطس کا شکار ہوچکے ہیں جبکہ463ملین بالغ افرادذیابیطس کے ساتھ زندگی گذار رہے ہیں جن میں سے 90فیصد سے زائد افراد ٹائپ 2ذیابیطس کا شکار ہیں۔ ان افراد میں سے 55 فیصد مشرقِ وسطیٰ اور شمالی افریقہ میں بستے ہیں۔
رپورٹ میں انکشاف کیا گیا ہے کہ معاشرتی،معاشی، آبادیاتی، ماحولیاتی اور جینیاتی جیسے عوامل کی وجہ سے ٹائپ 2ذیابیطس کے مریضوں میں اضافے کی اہم وجوہات ہیں ۔اس کے علاوہ شہروں میں بڑھتی آبادی(Urbanisation)،بڑھتی ہوئی عمر، جسمانی سرگرمیوں میں کمی، وزن اور موٹاپے میں اضافہ بھی اہم وجوہات میں شامل ہیں۔جبکہ کچھ نامعلوم وجوہات کی بناء پر ٹائپ 1ذیابیطس کے مریضوں میں بھی مسلسل اضافہ ہورہا ہے۔
رپورٹ میں بتایا گیا ہے کہ ذیابیطس کے اثرات جغرافیہ اور آمدنی سے قطع نظر ہر عمر کے لوگوں پر پڑتا ہے۔رپورٹ کے مطابق عالمی سطح پر1.1ملین بچے اور نو عمر افراد ٹائپ 1ذیابیطس کا شکار ہیں جبکہ 20-64سال کی عمر کے کام کرنے والے ہرچار میں سے تین افراد ذیابیطس کے مریض ہیں۔ذیابیطس کے مریضوں میں اضافہ ملکوں کی مجموعی صلاحیتوں پر اثرانداز ہورہا ہے جس پر مناسب دیکھ بھال اور ضروری ادویات تک سستی رسائی سے قابو پایا جاسکتا ہے۔
رپورٹ میں انکشاف کیا گیا ہے کہ ذیابیطس کے غیرتشخیص شدہ ہونے کی وجہ سے اس کا شکار افراد میں دل کا دورہ، فالج، گردوں کی خرابی، اندھا پن اور نچلے اعضاء کے کٹاؤکا خطرہ پیدا ہوجاتا ہے۔ ذیابیطس کی وجہ سے معیارِ زندگی صحت کی دیکھ بھال کے اخراجات میں اضافے کے ساتھ ساتھ فیملی پر بھی غیر مناسب دباؤ پڑتا ہے۔
اس موقع پر بقائی انسٹیٹیوٹ آف ڈائبیٹالوجی اینڈ اینڈوکرئنالوجی(Diabetology & Endocrinology) اورآئی ڈی ایف ڈائیبیٹیس اٹلس کمیٹی کے ممبر پروفیسر عبدالباسط نے کہا کہ ذیابیطس عالمی صحت کیلئے ایک سنگین خطرہ ہے جو کسی بھی معاشرتی حدود اور معاشی حیثیت کا احترام نہیں کرتی۔پاکستان میں ذیابیطس کا پھیلاؤ نہایت تشویش ناک ہے۔ ہمیں ٹائپ 2ذیابیطس سے بچنے کیلئے ذیابیطس کے تمام اقسام اورپیجیدگیوں کی جلد تشخیص پر مزید کام کی ضرورت ہے۔ہمیں اس امر کو بھی یقینی بنانے کی ضرورت ہے کہ ذیابیطس کے شکار ہر فرد کو اپنی دیکھ بھال کیلئے سستی اور بلاتعطل ادویات تک رسائی حاصل ہو۔
رپورٹ میں بتایا گیا ہے کہ ذیابیطس کے اثر کو کم کرنے کیلئے بہت کچھ کیا جا سکتا ہے۔شواہد سے پتہ چلتا ہے کہ ابتدائی تشخیص، ہر قسم کی ذیابیطس کی مناسب دیکھ بھا ل اور ادویات تک رسائی سے لوگوں میں ٹائپ 2ذیابیطس کے اثرات اور پیچیدگیوں کو پھیلنے سے روکا جا سکتا ہے ۔
ذیابیطس اٹلس کے نویں ایڈیشن میں انکشاف کیا گیا ہے کہ
1۔ذیابیطس موت کی سرِفہرست دس وجوہات میں شامل ہے جس میں آدھے سے زیادہ افراد 60سال سے کم عمر ہوتے ہیں
2۔ذیابیطس کا شکار افراد کی تعداد 2030تک بڑھ کر 578ملین جبکہ 2045تک700ملین ہوجائے گی
3۔374ملین افراد میں Impaired Glucose Tolerance(IGT) پایا جاتا ہے جس کی وجہ سے ان میں ٹائپ2ذیابیطس ہونے کا خطرہ بڑھ گیا ہے۔
4۔2019میں ذیابیطس کی وجہ سے صحت کے زمرے میں لوگوں نے 760ارب ڈالر سے زائد خرچ کئے۔
5۔حمل کے دوران ہر چھ میں ایک پیدا ہونے والا بچہ ہائپرگلیکیمیا(Hyperlgycaemia)کا شکار ہے۔
کراچی میں شائع ہونے والی مزید خبریں
عوام کو درپیش مسائل کا حل حکومت کی ذمہ داری ہے،شمسہ ماہ جبین
مسجد دیوا اکیڈمی کے امام کی جبری بے دخلی اور قتل کی دھمکیاں ، حکومت تحفظ فراہم کرے،متحدہ علماء محاذ
شہید عبدالحفیظ بجارانی ہمیشہ زندہ اور راہ حق کے مسافروں کیلئے نشان منزل ہونگے،ممتاز حسین سہتو
پری رباب کو آرٹس کونسل کے ایک اسٹیج ڈرامہ میں اہم رول کے لیے کاسٹ کرلیا گیا
سیدنا امیر حمزہؓ شہدائے غزوہ احد ہیں، مولانا عبد الماجد فاروقی
اسرائیل ناجائز ریاست ہے ،پاکستان کے عوام کسی طور تسلیم نہیں کرینگے ،محمد شاداب رضا نقشبندی
کراچی، قربانی کے جانوروں کی مرکزی منڈی 10 مئی سے لگائی جائے گی
ڈپٹی میئر کراچی کا انسداد تجاوزات آپریشن کا جائزہ لینے کے لیے مختلف بازاروں کاد ورہ
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
ایف پی سی سی آئی پاکستان اور آذربائیجان کے درمیان براہ راست پروازوں کا خیر مقدم کرتی ہے،صدر ایف پی سی ..
کراچی سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت