بریسٹ کینسر سے بچاچاسکتا ہے،کمیونٹی میں آگاہی عام ہونا ضروری ہے، پروفیسر ڈاکٹر زاہدہ بقائی
پیر 21 اکتوبر 2019 15:57
(جاری ہے)
موثر منصوبہ بندی کے ذریعے کمیونٹی کو پستان سرطان کے بارے میں آگاہ کرنا انتہائی ضروری ہوگیا ہے۔ بعدازاں اس موقع پر موجودہ خواتین کوبریسٹ کینسر سے آگہی دیتے ہوئے ڈاکٹر سدرہ عباس شعبہ سرجری فاطمہ ہسپتال بقائی میڈیکل یونیورسٹی نے کہا کہ دنیا میں عورتوں میں چھاتی کا سرطان بڑی تیزی سے پروان چڑھ رہا ہے اور بیشتر خواتین کو اس بات کی خبر نہیں ہے کہ بریسٹ کینسر کیا ہے۔
انہیں اپنا علاج کیوں اور کن علامات کی موجودگی میں شروع کرنا ہے۔ ہر آٹھویں اور نویں عورت میں چھاتی کا سرطان ظاہر ہورہا ہے۔ اس کی تشخیص ایک مسئلہ بنا ہوا ہے کیونکہ عورت پر خوف اور شرمندگی طاری رہتی ہے اور وہ اس مرض سے آگاہ ہونے کے باوجود کسی کو بتانے سے گریزاں رہتی ہیں اور خاموشی سے اس میں مبتلا ہوکر جان کی بازی ہار جاتی ہیں۔ یہ ہمارا معاشرتی المیہ ہے۔ آج آپ کو یہاں جمع کرنے کا مقصد یہ ہے کہ آپ ان باتوں کو غور سے سینںاور بعد میں اپنے اردگرد خواتین کو بتائیں کہ بریسٹ کینسر ایک وبالِ جان بیماری ضرور ہے مگر اس کا علاج ممکن ہے۔انہوںنے کہا کہ ضروری نہیں ہے کہ پستان کے سرطان سے عورت موت کو اپنائے اس کے لئے ضروری ہے کہ ماہر امراض سرطان سے رجوع کیا جائے اور آپ کے علاقہ میں فاطمہ ہسپتال میں علاج ومعالجہ کی رفاحی سہولتیں موجود ہیں جہاں ہم معالجین اس موذی مرض کے خاتمے کے لئے حاضر ہیں ۔ ہم یہاں علاج معالجہ کے ساتھ مریضہ کو معلومات اور حوصلہ دیتے ہیں۔ انہوںنے کہا کہ خواتین کی عمر بڑھتی ہے تو ان میں پستان کے سرطان کے ابھرنے کے مواقع زیادہ پائے جاتے ہیں۔ یہ صرف ننھیالی بیماری بیماری شمار کی جاسکتی ہے۔ انہوںنے کہا کہ ہم خواتین کو بتانا چاہتے ہیں کہ وہ بچوں کا اپنا دودھ پلائیں اور موٹاپے سے دور رہیں اور چہل قدمی ، ورزش کو اپنائیں۔ اپنے بچوں کا اپنا دودھ پلانا ماں کو بریسٹ کینسر سے بچاتا ہے۔خواتین قوت مدافعت بڑھاکر اس مرض سے بچ سکتی ہیں۔ انہوںنے بعض صورتوں میں خاندانی منصوبہ بندی کی گولیوں کو سرطان کا سبب قرار دیتے ہوئے کہا کہ حیض کے آغاز سے دوائوں کی عادی خواتین میں بریسٹ کینسر کی علامت پیدا ہوسکتی ہے۔ خواتین کے بازو یا پستان کی ساخت میں کسی بھی قسم کی ہونے والی تبدیلی سے بریسٹ کینسر کی نشاندہی ہوجاتی ہے۔ بچے کو پستان سے دودھ پلانے میں رکاوٹ درپیش ہو یا چھاتی کے نپل میں غیر ضروری تبدیلی کو دیکھتے ہوئے معالج سے معائنہ کرانا بہت ضروری ہوجاتا ہے۔ خواتین اپنی چھاتی کا معائنہ اپنے آپ بھی کرسکتی ہیں بلکہ انہیں ایسا کرنا سیکھنا چاہئے۔ پستان میں محسوس ہونے والی گلٹھی یا بازوں میں ابھرنے والے پھوڑی پھنسی سے غفلت نہ برتیں۔ ضروری نہیں ہے کہ اس حالت میں بخار ہو۔ ۰۴ برس کی عمر کے بعد خواتین باقاعدگی سے اپنے آپ یا کسی معائنے کے طریقے کے جاننے والے باخبر سے چھاتیوں کا معائنہ کراتی رہیں۔ معالج آثار دیکھ کر میموگرافی کا مشورہ دیتے ہیں۔ کینسر کی تشخیص کا دوسرا طریقہ بائیوآپسی ہے۔ بریسٹ کینسر یا جسم میں کسی بھی دوسری جگہ کے کینسر کا علاج کیموتھراپی ،سرجری اور ریڈی ایشن کے ذریعے ہوتا ہے۔ دوا یعنی کیموتھراپی اور شعاع (ریڈی ایشن )کے ذریعے علاج کا دورانیہ مریض کی کیفیت کے لحاظ سے مختصر یا طویل ہوسکتا ہے۔ جلد تشخیص سے شفا یابی کا امکان بڑھتا ہے جبکہ تاخیر سے مرض کا پتہ چلنے سے مشکل پیش آتی ہے۔ خدانخواستہ کسی کو یہ مرض لاحق ہوجائے وہ کسی عزیز یا ساتھی کو اپنا رازداں بنائے۔ جو اس کا خیال رکھنے کے ساتھ حوصلہ بڑھائے۔ زندگی میں جذبوں سے اضافہ ہوتا ہے۔ قوتِ مدافعت سے بیماری پر قابو پایا جاسکتا ہے۔ صحتِ جسمانی اور تندرستی کے لئے غذائیت سے بھرپور ریشہ والی خوراک کھائیں۔ سبزیاں اور دالیں کم قیمت ہونے کے ساتھ بیماریوں سے بچاتی ہیں۔ فاسٹ فوڈ سافٹ ڈرنک اور منشیات سے اجتناب برتیں۔ خواتین کو پستان کے سرطان سے خوفزدہ ہونے کی ضرورت نہیں ہے۔ اس سے نجات ممکن ہے آپ یہ باتیں دوسرے کو بھی بتائیں۔ اسی طرح چھاتی کے سرطان سے بچائو کی مہم کامیابی سے ہمکنار ہوسکتی ہے۔ یونٹ ون کی سینئر رکن اور رابطہ کار عفت حیا نیازی کے زیر اہتمام معلوماتی گفتگو میں خواتین کی بڑی تعداد نے شرکت کی۔ انہوںنے موقع کی مناسبت سے سوالات بھی کئے۔کراچی میں شائع ہونے والی مزید خبریں
سندھ حکومت کا ٹیکس چوروں کے نام اخبارات میں شائع کرانے کا فیصلہ
سندھ میں یکم مئی کو یوم مزدور پر چھٹی کا اعلان
اے وی ایل سی پولیس نے موٹرسائیکل چوری اور سرقہ شدہ موٹرسائیکلوں کی پارٹس خریدنے والے کباڑیوں سمیت 6 ملزمان ..
سالڈ ویسٹ مینجمنٹ بورڈ اور سوئیپ پروجیکٹ کے اشتراک سے بین الاقوامی معیار کے طرز پرماڈرن جی ٹی ایس کی ..
اسٹاک مارکیٹ میں تیزی معاشی بحالی کی طرف پہلا قدم ہے‘محمود مولوی
پی ایس او کا مالی سال 2024کے نو ماہ میں 13.4ارب روپے کا منافع
مہنگی بجلی ،لوڈشیڈنگ ،اًوربلنگ نے عوام کی مشکلات میں اضافہ کردیا، محمد سلیم عطاری
جماعت اسلامی رہنمائوں کی جانب سے پروفیسر عبدالغنی فاروق کے انتقال پر تعزیت کا اظہار
جماعت اسلامی سندھ کامختلف ادویات کی قلت اور بلیک میں زیادہ قیمت میں فروخت پرتشویش کا اظہار
گیلپ،جامعہ ہمدرد ،جامعہ کراچی اور اتالیق فانڈیشن کی اشتراک سے چار روزہ ورکشاپ کی اختتامی تقریب
سرسید یونیورسٹی کے ستائیسویں کانووکیشن کے موقع پر 1100 سے زائدطلبا و طالبات کو ڈگریاں تفویض کی گئیں
ایران سے اچھے تعلقات خطے کے مفاد میں ہیں اور ملک کو بھڑان سے نکالنے میں معاون ہوں گے،شہنیلہ خانزادہ
کراچی سے متعلقہ
پاکستان کی تازہ ترین خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ