ریاستِ مشی گن کے پہلے مسلمان گورنر بننے کے خواہشمند عرب نژاد امریکی

ڈاکٹر عبدل السیدکامیاب ہوجاتے ہیں تو یہ بات ایک خوش آئند سیاسی تبدیلی کے مترادف ہوگی

اتوار 22 جولائی 2018 11:50

واشنگٹن (اُردو پوائنٹ اخبارتازہ ترین - این این آئی۔ 22 جولائی2018ء) امریکہ میں وسط مدتی انتخابات اس سال چھ نومبر کو ہوں گے۔ بتایا جاتا ہے کہ ملک بھر میں تقریباً 90 امریکی مسلمان انتخابات میں حصہ لے رہے ہیں، جن میں سے زیادہ تر ڈیموکریٹ پارٹی کے پلیٹ فارم سے انتخاب لڑ رہے ہیں، اس توقع کے ساتھ کہ وہ آنے والی کسی ممکنہ نیلی لہر کا حصہ بنیں گے، جس کے نتیجے میں ممکن ہے کہ امریکی کانگریس میں ڈیموکریٹ پارٹی اکثریت حاصل کر لے۔

(جاری ہے)

عرب ٹی وی کے مطابق ڈاکٹر عبدل السید نوجوان ہیں، جن کا تعلق امریکہ کی عرب نڑاد برادری سے ہے۔ وہ اٴْن 13 مسلمان امیدواروں میں سے ایک ہیں جو اس بار مشی گن سے انتخابات میں حصہ لے رہے ہیں، جہاں اٴْن کا مذہب اور نسل اٴْن کی طرز زندگی خاص اہمیت کی حامل ہے۔ اٴْن پر سیاسی مخالفین کے حملے اور الزامات عام سی بات ہے۔ریاست مشی گن میں عرب نڑاد امریکی برادری بڑی تعداد میں آباد ہے۔ اگر السید اپنی صلاحیت منوانے میں کامیاب ہوجاتے ہیں تو یہ بات ایک خوش آئند سیاسی تبدیلی کے مترادف ہوگی۔