?صوبے بھر میں پانی کے غیر قانونی کنکشنز کے خاتمے کے خلاف کاروائی کے ساتھ تمام کنکشنز کی رجسٹریشن اگلے دوہ ماہ کے اندر یقینی بنائیں،وزیر اعلیٰ کی حکام کو ہدایت
اتوار 16 فروری 2020 21:30
(جاری ہے)
اس موقع پر وزیراعلیٰ کے معاون خصوصی برائے پبلک ہیلتھ انجینئرنگ ڈیپارٹمنٹ ریاض خان نے وزیراعلیٰ کو آگاہ کیا کہ اب تک صوبے بھر میں 72589پانی کے غیر قانونی کنکشنز کی نشاندہی کی جا چکی ہے جن میں سے 4930 کی رجسٹریشن مکمل کر لی گئی ہے۔
رواں مالی سال میں پانی چارجز ریکوری کی مد میں 218 ملین روپے کی ریکوری یقینی بنائی جائے گی۔اٴْنہوںنے مزید کہا کہ صوبائی سنیٹیشن پالیسی کاڈرافٹ مکمل کرلیا گیاہے جسے منظوری کیلئے صوبائی کابینہ میں جلد پیش کیا جائے گا۔ اسی طرح صوبائی ڈرنکنگ پالیسی 2015 کو اپ ڈیٹ کیا جارہا ہے جبکہ انٹگریٹیڈ واٹر ریسورسز مینجمنٹ سٹرٹیجی پر بھی کام جاری ہے۔ وزیراعلیٰ کو آگاہ کیا گیا کہ محکمہ پبلک ہیلتھ انجینئرنگ نیا سسٹم متعارف کرا رہی ہے جس کے تحت واٹر سپلائی سکیمز میں خراب ہونے والی پمپنگ مشینری کو 24 گھنٹوں کے اندر تبدیل کیا جائے گا۔ مذکورہ خدمات کو مستقبل کے تمام کنٹریکٹ کا حصہ بنایا جائے گا۔ اسی طرح عوام کی جانب سے بے ہنگم پانی کے کنکشنز کے خاتمے کیلئے پانی کنکشنز کو باقاعدہ طور پر پی سی ون کا حصہ بنایا جائے گا۔ اجلاس کو محکمہ پبلک ہیلتھ انجینئرنگ کی ایک سالہ کارکردگی پر بھی تفصیلی بریفینگ دی گئی جن میں 268 واٹر سپلائی سکیم کی تکمیل، 243 نکاسی سکیموں کی تکمیل ، 67 واٹر سپلائی سکیمز کی بحالی، 14موجودہ ٹیوب ویلز کی سولرائزیشن، 9 نئے سولر ٹیوب ویلز کی تنصیب اور ڈی آئی خان شہر میں نکاسی سکیم فیزI کی تکمیل شامل ہیں۔ اسی طرح ڈی آئی خان شہر میں نکاسی سکیم فیزII ، گدون میں اٴْتلا ڈیم کی تعمیراورضلع کوہاٹ میں رحمان آباد اور شکر درہ میں واٹر سپلائی سکیمز پر بھی کام کا آغاز کر دیا گیا ہے۔ بجٹ یوٹیلائزیشن کے حوالے سے بتایا گیا کہ محکمہ پبلک ہیلتھ انجینئرنگ میں جاری شدہ بجٹ کی 60 فیصد رقم اب تک خرچ کی جا چکی ہے جبکہ نئے ضم شدہ قبائلی اضلاع میں سالانہ ترقیاتی پروگرام کے تحت 191.73 ملین روپے خرچ کئے جا چکے ہیں۔ اسی طرح نئے ضم شدہ قبائلی اضلاع میں تیزرفتار عمل درآمدوالے منصوبوںمیں سے تین منظور شدہ منصوبوں کیلئے 610 ملین روپے فراہم کئے جا چکے ہیں۔ اسی طرح شفافیت اور جوابدہی کے عمل کو مضبوط کرنے کیلئے وزیراعلیٰ کو بتایا گیا کہ ای بڈنگ اور ای بلنگ شروع کی گئی ہے جبکہ ہر ماہ پراگراس ریو کے ذریعے محکمے کی کارکردگی کو جانچا جارہا ہے۔ مزید بتایا گیا کہ محکمہ کے 148 سٹاف کو سولر ٹیکنالوجی پر ٹریننگ فراہم کی گئی ہیں جبکہ35 ڈرافٹسمین اور 60 جونیئر کلرکس کو کمپیوٹر سکلز میں ٹریننگ فراہم کی گئی ہے۔ اسی طرح انجینئر ز اور محکمے کے دیگر سٹاف کو اٴْن کے متعلقہ شعبوں میں تربیت فراہم کی جارہی ہے۔ وزیراعلیٰ کو بتایا گیا کہ صوبے بھر میں 600 واٹر سپلائی سکیموں کو شمسی توانائی پر منتقل کردیا گیا ہے جس سے نہ صرف سالانہ 600 ملین روپے کی بچت ہو رہی ہے بلکہ نیشنل گرڈ کو 18 میگاواٹ بجلی کی بچت بھی ممکن ہوئی ہے۔ "زیرو لیکج رجیم " کے تحت 3667 لیکجز کی مرمت کی جا چکی ہے جبکہ صاف پانی کی فراہمی کو یقینی بنانے کیلئے 2156 پانی کو ذخیرہ کرنے والے جگوں کی صفائی سمیت جراثیم کشی بھی کی گئی۔ مزید بتایا گیا کہ 8 واٹر کوالٹی ٹیسٹنگ لیبارٹری اور 8 موبائل واٹر کوالٹی ٹیسٹنگ لیبارٹریز قائم کی جا چکی ہیں جبکہ 5 اضلاع کی واٹر کوالٹی پروفائل بھی مکمل کر لی گئی ہے۔ اجلاس کو آگاہ کیا گیا کہ محکمہ پبلک ہیلتھ انجینئرنگ نے زیر زمین پانی کی سطح کو بڑھانے کیلئے پائلٹ پراجیکٹ متعارف کرایا ہے جس کے تحت آرٹفیشل ری چارج کے ذریعے پانی کی سطح کو بلند کیا جائے گا۔ مذکورہ مقصد کیلئے تھنک ٹینک کمیٹی بھی تشکیل دی جا چکی ہے۔ اسی طرح دیہی علاقوں میں ویسٹ واٹر ٹریٹمنٹ کیلئے پائلٹ پراجیکٹ متعارف کرایا گیا ہے اس منصوبے کی کامیابی کے بعد اسے دیگر علاقوں تک توسیع دی جائے گی جس سے بائیوڈائی ورسٹی اور دریائوں میں پانی کی کوالٹی بہتر ہو سکے گی۔اسی طرح کھلے فضلات کے خاتمے کیلئے چارسدہ اور مانسہرہ میں پائلٹ پراجیکٹ متعارف کرایا گیا ہے ، جس کے تحت اب تک 30 دیہات کھلے فضلات سے پاک قرار دیئے گئے ہیں۔ وزیراعلیٰ کو بتایا گیا کہ اگلے سال 5 مزید اضلاع کو اس منصوبے میں شامل کیا جائے گا۔ وزیراعلیٰ محمود خان نے واضح کیا کہ موجودہ صوبائی حکومت عوام کو ریلیف اور صوبے میں صا ف و شفاف ماحول کو یقینی بنانے کیلئے تمام تر اقدامات بروئے کار لا رہی ہے تاکہ عوام کو ایک صحت مند معاشرہ فراہم کیا جا سکے۔پشاور میں شائع ہونے والی مزید خبریں
پشاور، ڈپٹی کمشنر کی زیر صدارت ڈبلیو ایس ایس پی واجبات کی وصولی کے حوالے سے اہم اجلاس
خیبر پختونخوا کے مختلف اضلاع میں چیئرمین تحصیل کونسل کی خالی نشستوں پر ضمنی بلدیاتی انتخابات 28 اپریل ..
ضلع خیبر میں سات روزہ انسداد پولیو مہم کا باقاعدہ آغاز 29 اپریل سے ہوگا
خیبرپختونخوا فوڈ اتھارٹی کی صوبہ کے بڑے ہسپتالوں کی کنٹینز کے خلاف 2روزہ خصوصی مہم شروع
صوبے کے عوام کو ہر ہسپتال میں بہترین سہولت میسر کی جا سکتی ہے، گورنرخیبرپختونخوا
مردان، تجاوزات کے خلاف کارروائی
گورنمنٹ پرئمری سکول دروش چترال میں داخلہ مہم کے سلسلے میں آگاہی واک
زرعی یونیورسٹی پشاور میں "ایڈونس ان سیڈ سٹوریج ٹیکنیکس " کے عنوان سے 2روزہ بین الاقوامی کانفرنس
پرخیبرپختونخواکے مختلف اضلاع میں بجلی چوروں کے خلاف کارروائیاں جاری
کوہاٹ پولیس کی کارروائی میں رہزن گروہ کاسرغنہ گرفتار
صوبائی وزیرمحنت خیبرپختونخوا کی زیر صدرات ورکرزویلفیئر بورڈ کااجلاس،کمرشل اراضی کی نشاندہی کی ہدایت ..
پشاور،پرانی دشمنی کی ایماءپرفائرنگ،باپ بیٹا قتل
پشاور سے متعلقہ
پاکستان کی تازہ ترین خبریں
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
سینیٹر شبلی فراز نے حکومت سے بات چیت کیلئے مشروط آمادگی ظاہر کر دی
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم