خیبرپختونخواانڈر21گیمز کے میڈل ہولڈرزکھلاڑی کا سکالرشپ اور نقد انعامات دینے کا مطالبہ

پشاور(اُردو پوائنٹ اخبارتازہ ترین - آن لائن۔ 01 مئی2024ء) صوبہ خیبرپختونخوا کا محکمہ کھیل-22 2021 میں منعقد ہونے والے خیبر پختونخوا انڈر 21 گیمز میں میڈل ہولڈرز سے کیے گئے وعدوں کو پورا کرنے میں ناکامی کی وجہ سے جانچ پڑتال کی زد میں ہے۔ ماہانہ وظائف اور نقد انعامات کی یقین دہانیوں کے باوجود کھلاڑیوں کو ابھی تک ان کے واجب الادا انعامات نہیں ملے ہیں، جس سے نوجوان کھلاڑیوں میں سخت مایوسی پائی جاتی ہے۔

نومبر 2021 میں خیبرپختونخوا انڈر 21 گیمز میں جوڈو، ووشو، کراٹے، جمناسٹک، والی بال، بیڈمنٹن، فٹ بال، تیر اندازی، ٹیبل ٹینس، باکسنگ، باسکٹ بال اور اسکواش سمیت مختلف کھیلوں کے شعبوں میں نوجوان کھلاڑیوں کی صلاحیتوں اور لگن کا مظاہرہ کیا۔ تمغہ جیتنے والوں سے صوبائی محکمہ کھیل کے حکام کی جانب سے ماہانہ وظائف اور نقد انعامات کا وعدہ کیا گیا تھا، یہ وعدہ 2024 میں داخل ہونے کے باوجود پورا نہیں ہوا۔

(جاری ہے)

حکام کی بارہا یقین دہانیوں کے باوجود قومی اور بین الاقوامی پلیٹ فارمز پر خیبرپختونخوا اور پاکستان کا نام روشن کرنے والے خیبر پختونخواکے کھلاڑیوںکو انعامات دینے کے بغیر چھوڑ دیا گیا ہے۔ ان کی کامیابیوں کے اعزازیہ میں اس تاخیر نے صوبائی محکمہ کھیل پر نوجوان کھلاڑیوں کے اعتماد کو نمایاں طور پر ختم کر دیا ہے۔میڈل ہولڈرز کھلاڑیوں اور کھیلوںکی شخصیات نے ان شکایات کی روشنی میںوزیراعلیٰ خیبرپختونخوا سردار علی امین گنڈا پور، مشیر کھیل جہاں بخت، اور خیبرپختونخوا کے محکمہ کھیل کے ڈائریکٹر عبدالناصر پر زور دیتے ہیں کہ وہ نقد انعامات دینے اور شروع کرنے کامطالبہ کیا۔

اور کہاکہ مزید تاخیر کے بغیر ماہانہ اسکالرشپ دیاجائے،کیونکہ اس صوبے کے کھلاڑیوں کے اعتماد اور حوصلے کو بحال کرنا اور کھیلوں کے ٹیلنٹ کو پروان چڑھانے اور ان کی حمایت کے لیے صوبے کے عزم کو ظاہر کرنا ناگزیر ہے۔دوسری جانب کھیلوں کے حلقو ں کاکہناہے کہ خیبرپختونخوا انڈر 21 گیمز کے میڈل ہولڈرز سے کیے گئے وعدوں کو پورا کرنے میں تاخیر صوبائی محکمہ کھیل کی خرابی کی عکاسی کرتی ہے اور نوجوان کھلاڑیوں کی امنگوں کو مجروح کرتی ہے۔ اس صورتحال کو سدھارنے اور خیبرپختونخوا میں کھیلوں کی سالمیت کو برقرار رکھنے کے لیے فوری کارروائی کی ضرورت ہے۔