۵راولپنڈی، روڈ سیفٹی، کم عمر ڈرائیورز اور ون ویلنگ کے خلاف موبائل ایجوکیشن یونٹ راولپنڈی کی آگاہی مہم جاری

اتوار 25 اکتوبر 2020 19:15

#راولپنڈی(اُردو پوائنٹ اخبارتازہ ترین - آن لائن۔ 25 اکتوبر2020ء) ایس ایس پی پٹرولنگ راولپنڈی ریجن ساجدکیانی کی خصوصی ہدایات پر روڈ سیفٹی، کم عمر ڈرائیورز اور ون ویلنگ کے خلاف موبائل ایجوکیشن یونٹ راولپنڈی کی آگاہی مہم جاری ہے۔اس سلسلے میں انچارج موبائل ایجوکیشن یونٹ ذیشان عباس اے ایس آئی نے اپنی ٹیم کے ہمراہ مختلف سکولز،کالجز، پٹرول پمپس، ٹول پلازوں اور دیگر پبلک مقامات پر عوام کو کم عمر ڈرائیورز اور ون ویلنگ کے نقصانات سے آگاہ کیا گیا اور آگا ہی پمفلٹس تقسیم کئے کئے۔

(جاری ہے)

اسکے علاوہ گورنمنٹ کالج میں طلبا ء کو دوران لیکچر ذیشان عباس اے ایس آئی نے آگاہ کیا کہ آپ تب تک ڈرائیونگ نہیں کر سکتے جب تک آپ کی عمر 18 سال سے زائد نہ ہو جائے اور آپکا قومی شناختی کارڈ اور ڈرائیونگ لائسنس نہ بنا ہو۔ نیز طلبا کو نوجوان نسل میں ون ویلنگ کے بڑھتے ہوئے رجحان کے جانی و مالی نقصان سے آگاہ کیا۔مزید پٹرولنگ پولیس کے بیٹ ایریا میں آگاہی واک کا اہتمام کیا گیا اور عوام کو آگاہ کیا گیا کہ کم عمر بچوں کی ڈرائیونگ کی صورت میں انکے والدین بھی برابر کے قصوروار ہیں