حلیم عادل شیخ کا مرادعلی شاہ سے مستعفی ہونے کا مطالبہ

سکھر (اُردو پوائنٹ اخبارتازہ ترین - این این آئی۔ 17 مئی2024ء) پاکستان تحریک انصاف کے رہنما حلیم عادل شیخ نے مرادعلی شاہ سے مستعفی ہونے کا مطالبہ کرتے ہوئے کہاہے کہ اگرسندھ کاامن و امان بحال نہ ہواتو لانگ مارچ کریں گے۔تفصیلات کے مطابق پاکستان تحریک انصاف کے رہنما حلیم عادل شیخ پنو عاقل میں مغوی بچے حسین آرائیں کے گھر پہنچے۔اس موقع پر انھوں نے میڈیا سے گفتگو میں کہا کہ وزیر اعلی،ْ نوٹس نوٹس بندکریں عملی قدم اٹھائیں، سفارشی ایس ایس پی اور فرمائشی ایس ایچ او لگائے جا رہے ہیں۔

رہنما پی ٹی آئی نے کہا کہ گزشتہ 14 ماہ میں 2 ہزار کے قریب افراداغوا ہوئے ہیں، دیگر اضلاع سے آنیوالیایس ایچ اور ڈاکوئوں کے گینگ ساتھ لاتے ہیں ۔انہوں نے کہا کہ سندھ کے حکمران پکے کے ڈاکو ہیں جوکچے کے ڈاکوؤں کی سرپرستی کر رہے ہیں، ماں کی گودسے ڈاکو بچے کو چھین کر لے گئے ، کچے میں14ماہ میں1900لوگ اغوا ہوئے۔

(جاری ہے)

حلیم عادل نے کہا کہ الیکشن کے بعد وارداتوں میں تیزی آگئی کیا الیکشن کاخرچہ نکالاجا رہا ہے ، پکے کے ڈاکوؤں نے کچے کے ڈاکوؤں کو چھوٹ دے رکھی ہے۔

پی ٹی آئی کے رہنما نے کہا کہ سندھ صوفیوں کی دھرتی ڈاکوں کی دھرتی بن گئی ہے، سندھ کو بدامنی میں دھکیلنے والے مراد علی شاہ کومستعفی ہوجاناچاہیے، اگرسندھ کاامن و امان بحال نہ ہواتو لانگ مارچ کریں گے۔انہوںنے کہا کہ آئی ایم ایف کے پلان پر عمل کیا گیا تو مہنگائی کا طوفان آئے گا۔رہنما نے خبردار کیا کہ اگربانی پی ٹی آئی کورہانہیں کیاگیاتوعوام اڈیالہ سیانہیں نکال لیں گے۔