صوابی،تورڈھیر پولیس نے چوری شدہ سامان بر آمد کر کے ملزم کو گرفتار کر لیا

ہفتہ 19 جون 2021 20:33

صوابی(اُردو پوائنٹ اخبارتازہ ترین - این این آئی۔ 19 جون2021ء) تورڈھیر پولیس نے چوری شدہ سامان بر آمد کر کے ملزم کو گرفتار کر لیا۔ گذشتہ روز موضع تورڈھیر میں نامعلوم چور نے ایک خاتون کے گھر کے تالے توڑ کر وہاں موجود ایک عدد کمپیوٹر ، دو عدد سٹیبلائزر ، چاندی کے زیورات ، دو عدد بالیاں ، سلائی مشین ، سولر اور مردانہ کپڑے چوری کئے تھے ایس ایچ او تورڈھیر منصف خان نے نامعلوم چور کو ٹریس کر لیا اور ایک کارروائی کے دوران صدیق سکنہ آلہ ڈھیر کو گرفتار کر کے ان کے قبضے سے تمام سرقہ شدہ سامان بر آمد کر لیا ایک اور کارروائی مین ایس ایچ او تھانہ صوابی عجب درانی نے دوران گشت ایک مشکوک نوجوان کو اکتیس گرام آئیس اور ایک عدد پستول بر آمد کر کے تیمور سکنہ صوابی کو گرفتار کر لیا۔

(جاری ہے)

جب کہ ایس ایچ او تھانہ ٹوپی جواد خان نے ایک اور کارروائی کے دوران قمر بازی کے محفل پر چھاپہ مار کر دائو پر لگے اکیس ہزار روپے نقد ایک عدد ریپیٹر ایک عدد پستول اور کارتوس بر آمد کر کے ملزمان کو گرفتار کر لیا۔