گولڈ کپ کوارٹر فائنل:امریکا کیخلاف جارحانہ پن دکھانے والے ایل سلواڈور کے 2 پلیئرز کو سزائیں مل گئیں

نیویارک(اُردو پوائنٹ اخبارتازہ ترین - آن لائن۔ 24 جولائی2017ء) گولڈ کپ کوارٹر فائنل میں امریکا کیخلاف جارحانہ پن دکھانے والے ایل سلواڈور کے 2 پلیئرز کو سزائیں مل گئیں۔

(جاری ہے)

امریکی اسٹرائیکر جوزی ایلٹیڈور کے کندھے پر کاٹنے کی پاداش میں ایل سلواڈور کی دفاعی پلیئر ہنری رومیرو پر 6 میچز کی پابندی عائد کردی گئی، اسی طرح کے ایک اور واقعے پر ملوث ایل سلواڈور کے کپتان ڈارون سیرن کو 3 میچز کیلیے معطل کردیاگیا ہے، انھوں نے امریکی پلیئر اومیرگونزالز سے بدتمیزی کی تھی، دونوں کھلاڑیوں پر یہ پابندیاں کونکاکیف نے عائد کی ہیں۔

حکام کا کہنا ہے کہ دوران میچز کھیل کے منافی رویہ کسی طور برداشت نہیں کیا جائیگا، اس معاملے میں ظلم کا شکار ہونیوالے ایلٹیڈور نے کہا کہ یہ انتہائی افسوسناک واقعات ہیں، یہ کھیل کا انتہائی جاہلانہ انداز ہے، مجھے یقین ہے کسی کو بھی اس پر فخر نہیں ہوگا۔