مجرموں کو عبرت ناک سزائیں ملنے سے ہی جرائم کا خاتمہ ہوگا،بشارت مرزا

کراچی (اُردو پوائنٹ اخبارتازہ ترین - این این آئی۔ 18 فروری2018ء) پاکستان ڈیموکریٹک پارٹی کے مرکزی صدر بشارت مرزانے زینب زیادتی اورقتل کیس کے تیزترین فیصلے کا خیرمقدم کرتے ہوئے کہاہے کہ مجرموں کو عبرت ناک سزائیں ملنے سے ہی جرائم کا خاتمہ ممکن ہوسکے گا،زینب کے قاتل کی سزاعبرت ناک ہوناانتہائی ضروری تھا،فیصلے پر عدالت عظمیٰ کو خراج تحسین پیش کرتے ہیں اور امید کرتے ہیں کہ اس فیصلے پر جلد ازجلد عملدرآمدہوگا۔

(جاری ہے)

انہوں نے مطالبہ کیاکہ اسی طرح دیگر بچیوں کے قاتلوں اور زیادتی کا ارتکاب کرنے والوں کو بھی جلدسے جلد سزائیں دی جائیںتاکہ معاشرے میں تیزی سے پھیلتے ہوئے اس ناسورکا خاتمہ ہو۔انہوں نے کہاکہ بچے اور بچیوں کے تحفظ کے لئے موثرقانون سازی کرے اور آئندہ بھی خدانخواستہ ایساسانحہ پیش آئے تو مرتکب مجرم کی فی الفورسزاکویقینی بنایاجائے۔