ڈیتھ اوورزمیں چھکے کیسے لگائے؟ حسن علی نے خود ہی بتا دیا

لاہور (اردو پوائنٹ تازہ ترین اخبار ۔ 14 فروری 2021ء ) قومی کرکٹ ٹیم کے فاسٹ باؤلر حسن علی نے آٹھویں نمبر پر بلے بازی کے لیے آکر دو چھکوں اور ایک چوکے کی مدد سے صرف 13 گیندوں پر 20 رنز بنائے اور قومی ٹیم کی جیت میں کلیدی کردار ادا کیا۔ میچ کے بعد گفتگو کرتے ہوئے حسن علی کا کہنا تھا کہ جب کھیلنے کے لیے آیا تھا تو پریشر ضرورتھا لیکن صرف دو باؤنڈریز چاہیے تھیں۔

(جاری ہے)

معلوم تھا کہ گراؤنڈ گیلی ہوگئی تھی جس کی وجہ سے باؤلر کےہاتھ سے بال پھسل رہا تھا اور جس کا فائدہ بیٹنگ کو ملا اور ایک باؤنڈری لگا کر ہمیں مزید ہارڈ ہٹنگ کرنے کا حوصلہ ملا۔ ڈیوڈ ملر کے چھکے مارنے پر سوال کے جواب میں انہوں نے کہا کہ جب وہ کھیل رہے تھے تو تھوڑی پریشانی ہوئی تھی لیکن ہم نے ابتداء میں ہی ان کے اہم کھلاڑیوں کو پویلین بھیج دیا تھا جس کی وجہ سے ایک بڑا ہدف روکنے میں کامیاب ہوئے۔