گیرو ڈی اٹالیہ سائیکل ریس ، جوناتھن میلان نے گیارہواں مرحلہ جیت لیا

روم (اُردو پوائنٹ اخبارتازہ ترین - اے پی پی۔ 16 مئی2024ء) اٹلی کے جوناتھن میلان نے گیرو ڈی اٹالیہ سائیکل ریس کا گیارہواں مرحلہ جیت لیا۔ اٹلی میں گیرو ڈی اٹالیہ کا 107 واں ایڈیشن جاری ہے جس میں سائیکلنگ کی دنیا کے نامور سائیکل سوار ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس کے گیارہویں مرحلے میں سائیکل سواروں نے فوانو دی ویل فورٹور سے فرانکاویلا المیری تک کا فیصلہ طے کرنا تھا ،یہ مرحلہ سیدھا تھا جس کا فاصلہ 207کلو میٹر پر محیط تھا۔

23 سالہ میزبان اطالوی سائیکلسٹ جوناتھن میلان نے عمدہ سائیکلنگ کا مظاہرہ کرتے ہوئے 207کلومیٹر کا فاصلہ 4گھ23منٹ اور 18 سیکنڈز میں طے کرکے گیارہویں مرحلے میں پہلی پوزیشن حاصل کی۔25 سالہ آسٹریلوی سائیکل سوار کیڈن گرووزنے دوسری جبکہ 27 سالہ اطالوی سائیکلسٹ جیوانی لونارڈی نے تیسری پوزیشن حاصل کی۔

(جاری ہے)

ریس میں سلووینیا کے سائیکل سوارتڈیج پوگاچر کا پنک جرسی پر قبضہ برقرار ہے ۔

گزشتہ سال گیرو ڈی اٹالیہ سائیکل ریس ٹیم جمبو ویزما کے سلووینین سائیکل سوار پریموز روگلک نے جیتی تھی، وہ رواں ایڈیشن میں شامل نہیں ہیں تاہم رواں سال تڈیج پوگاچر سلووینیا کی نمائندگی کر رہے ہیں۔ گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی جس میں دنیا کے نامور سائیکلسٹس شریک ہیں۔ گیرو ڈی اٹالیہ سائیکل ریس 21 مرحلوں پر محیط ہے جس میں سائیکل سوار 3400.8 کلو میٹر کا سفر طے کریں گے۔ گیرو ڈی اٹالیہ سائیکل ریس میں 22 ٹیمیں ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس 23 روز جاری رہنے کے بعد 26 مئی کو اختتام پذیر ہوگی۔\932