ڈینیئل مدویدیف اور کیسپررڈ میڈرڈ اوپن ٹینس مینز سنگلز کوارٹر فائنل میں پہنچ گئے

میڈرڈ (اُردو پوائنٹ اخبارتازہ ترین - اے پی پی۔ 30 اپریل2025ء) روس کے نامور ٹینس ڈینیئل مدویدف اور ناروے کے ٹینس سٹار کیسپر رڈ اپنی عمدہ کارکردگی کی بدولت اے ٹی پی میڈرڈ اوپن ٹینس ٹورنامنٹ میں مردوں کے سنگلز مقابلوں کے کوارٹر فائنل رائونڈ میں پہنچ گئے ۔29 سالہ روسی ٹینس کھلاڑی ڈینیئل مدویدیف نے مینز سنگلز مقابلوں کے پری کوارٹر فائنل رائونڈ میچ میں 23 سالہ امریکی حریف ٹینس کھلاڑی برینڈن ناکشیما کو شکست دی جبکہ ناروے کے ٹینس سٹار کیسپر رڈ نے مینز سنگلز پری کوارٹر فائنل میچ میں 27 سالہ امریکی ٹینس کھلاڑی ٹیلر فریٹز کو ہرا کر ٹاپ ایٹ رائونڈ کے لئے کوالیفائی کرلیا۔

اے ٹی پی کے زیر اہتمام میڈرڈ اوپن کے دلچسپ مقابلے سپین کے دارالحکومت میڈرڈ کے وینیو پارک منزاناریس میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔

(جاری ہے)

مردوں کے سنگلز مقابلوں کے پری کوارٹر فائنل رائونڈ کے میچ میں 29 سالہ روسی ٹینس کھلاڑی ڈینیئل مدویدیف نے عمدہ کھیل پیش کرتے ہوئے 23 سالہ امریکی حریف ٹینس کھلاڑی برینڈن ناکشیما کو 6-3، 1-6 اور 4-6سے شکست دے کرنہ صرف ٹورنامنٹ سے باہر کر دیا بلکہ کوارٹر فائنل رائونڈ کے لئے بھی کوالیفائی کرلیا،جہاں ان کا مقابلہ ناروے کے کیسپر رڈ سے ہوگا۔

ایک اور میچ میں 26 سالہ ناروے کے ٹینس سٹار کیسپر رڈ نے شاندار کارکردگی کا مظاہرہ کرتے ہوئے 27 سالہ امریکی ٹینس کھلاڑی ٹیلر فریٹز کو سٹریٹ سیٹس میں 5-7 اور 4-6سے شکست دے کر ٹاپ ایٹ رائونڈ کے لئے کوالیفائی کرلیا۔ \932