ضابطہ اخلاق کی خلاف ورزی ،آسٹریلوی کرکٹر ٹم ڈیوڈ پر میچ فیس کا 10 فیصدجرمانہ عائد

دبئی (اُردو پوائنٹ اخبارتازہ ترین - اے پی پی۔ 05 اگست2025ء) انٹرنیشنل کرکٹ کونسل (آئی سی سی)نے ویسٹ انڈیز کے خلاف پانچویں اور آخری ٹی -20 کرکٹ میچ میں ضابطہ اخلاف کی خلاف ورزی پر آسٹریلیا کی کرکٹ ٹیم کے ٹم ڈیوڈ پر جرمانہ عائد کر دیا۔آئی سی سی کے مطابق وارنر پارک، باسیٹری، سینٹ کٹس کے مقام پر کھیلے گئے پانچ میچوں کی سیریز کے پانچویں اور آخری ٹی -20 میچ میں ٹم ڈیوڈ کو آئی سی سی کوڈ آف کنڈکٹ کے لیول ون کی خلاف ورزی پر جرمانہ کیا گیا ہے۔

(جاری ہے)

ٹم ڈیوڈ کو میچ فیس کا 10 فیصد جرمانہ کیا گیا اور کوڈ آف کنڈکٹ کی خلاف ورزی پر ان کو ایک ڈی میرٹ پوائنٹ بھی دیا گیا ہے۔آئی سی سی کے مطابق ٹم ڈیوڈ نے اپنی غلطی مانتے ہوئے دی گئی سزا قبول کر لی ہے۔واضح رہے کہ ویسٹ انڈیز کے خلاف آسٹریلیا کی بیٹنگ کے دوران وائیڈ نہ دینے پر ٹم ڈیوڈ نے امپائر کے فیصلے پر ناگواری کا اظہار کیا تھا۔واضح رہے کہ آسٹریلوی ٹیم نے پانچ میچوں کی ٹی -20 سیریز میں میزبان ویسٹ انڈیز کی ٹیم کو0-5 سے کلین سویپ کیا تھا۔\932