"میں نہیں مانتا میں نہیں جانتا"

1956 کا آئین بنا تو سکندر مرزا پاکستان کے پہلے صدر بنے۔ سکندر مرزا ڈیموکریٹک سسٹم والی حکومتوں میں بیوروکریٹ رہنے کے باوجود بادشاہت کے بہت بڑے مداح تھے اور ان کے خیال میں ڈیموکریسی پاکستان جیسے ممالک کیلئے ایک فضول چیز تھی۔ محض 2 سال صدر رہنے کے بعد 1958 میں انہوں نے اس وقت کے کمانڈر ان چیف جنرل ایوب خان کو ملک میں مارشل لاء کی دعوت دے دی۔

وہ اسمبلیاں توڑ کر ایک ایسی حکومت بنانا چاہتے تھے جس میں صدر کے پاس بادشاہ جتنے اختیارات ہوں۔
ایوب خان نے مارشل لاء کے دو دن بعد ہی سکندر مرزا کو جلا وطن کر دیا اور خود چیف مارشل لاء ایڈمنسٹریٹر بن گئے۔ انہوں نے ملک میں ریفرمڈم کروایا جس میں پوچھا گیا کہ ’’کیا آپ کو ایوب خان پر بطورِ صدر اعتبار ہے؟‘‘۔

(جاری ہے)

ایوب خان کو %95 ووٹ ملے اور وہ صدر منتخب ہو گئے۔

انہوں نے ایبڈو کے تحت تقریباً سبھی سیاستدانوں کو سیاست سے بین کر دیا یا ان کے خلاف کرپشن وغیرہ کے چارجز کے تحت مقدمے چلائے گئے۔ نعرہ لگایا گیا کہ سبھی سیاستدان کرپٹ ہیں۔
ملک چلانے کیلئے دستور کی ضرورت تو رہتی ہی ہے، سو انہوں نے چیف جسٹس کو آئین بنانے کا کام دیا۔ ان کا ڈرافٹ انہیں ملا لیکن پسند نہ آیا۔ ایوب خان نے ایک کمیٹی تشکیل دی جس کے ذمے یہ کام تھا کہ آئین کو ویسا بنایا جائے جیسا وہ چاہتے تھے۔

لہٰذا، 1962 کا آئین ایوب خان کا من پسند آئین تھا اور اس کے خلاف سبھی با ضمیر لوگ اٹھ کھڑے ہوئے جن میں سب سے بلند آواز حبیب جالب کی تھی۔
جی ہاں! حبیب جالب نے اپنی نظم دستور 1962 کے آئین کی مذمت ہی میں لکھی تھی۔ یہ نظم آپ کو سناتے ہیں: