وادی نیلم کا 10 ہزار آبادی پر مشتمل علاقہ بن چوگلی زندگی کی بنیادی سہولیات سے محروم ، علاقہ سکولز ،ٹیلی کمیونیکشن ،صحت ،پانی ،بجلی ناپید‘ طلباء و طالبات کھلے آسمان تلے تعلیم حاصل کرنے پر مجبور

نیلم جورا(اُردو پوائنٹ تازہ ترین اخبار۔آئی این پی۔ 16اپریل 2013ء) دس ہزار آبادی پر مشتمل علاقہ بن چوگلی زندگی کی بنیادی سہولیات سے محروم ،موجودہ حکومت کے لیے سوالیہ نشان،علاقہ میں سکولز ،ٹیلی کمیونیکشن ،صحت ،پانی ،بجلی سے محروم ،سروے رپورٹ کے مطابق بن چوگلی میں دو ہزار پانچ کے زلزلہ میں سکول اور BHUکی عمارت تباہ ہوگی تھی جو تاحال تعمیر نہیں ہو سکی سکول میں دو سو سے زائد طلباء و طالبات کھلے آسمان تلے تعلیم حاصل کرنے پہ مجبور ہیں علاقہ معززین نے حسن چیرمین ،سکندر میر ،میر زمان ،اشفاق قلندری سروئے ضیاء سرور قریشی و لال دین خواجہ سے گفتگو کرتے ہوئے کہا BHUکی عمارت نہ ہونے کی وجہ سے کئی معصوم بچے جھمبر پہنچنے تک جان کی بازی ہار جاتے ہیں وزیر تعلیم میاں عبدالوحید کئی بار یقین دہانی کروائی کہ سکول و BHUکی عمارت فراہم کی جائے گئی مگر ان کے تمام اعلانات آٹھ سال گزرنے کے باؤجود پورئے نہ ہو سکے جبکہ سکول کی زمین ایک کنال اراضی جو شلٹر سے بھی محروم ہے اسی طرح BHUکی نہ ہی عمارت ہے اور نہ ہی ڈاکٹر ہے علاقہ میں پینے کے لیے صاف پانی موجود نہیں خواتین دور دراز سے سر پہ پانی لانے پر مجبور ہیں دور جدید میں بھی یہاں کی عوام کے پاس مواصلات کا کوئی بندوبست نہیں کٹھہ بن چوگلی میں بجلی کی سہولت بھی موجود نہیں کٹھہ سیماری سے دومیل تک دو کلو میٹر روڈ جو عرصہ تین سال کے دوران بھی تعمیر نہیں ہو سکی عوام اشیاء خورد نوش اپنے کندوں پہ اٹھا کر چھ گھنٹوں کا پیدل سفر طے کرتے ہیں انہوں نے ایک سوال کے جواب میں کہا اگر یکم مئی تک سرکاری عمارتیں فراہم نہ کی گئیں تو عوام علاقہ سڑکوں پہ نکلنے پہ مجبور ہونگے وزیر تعلیم میاں کے خلاف عوام سراپا احتجاج بن جائے گئی