کراچی ،سی آئی ڈی پولیس نے مقابلے کے بعد کالعدم تحریک طالبان کے مبینہ دہشت گرد کامران عرف کامی کو گرفتار کرلیا، اسلحہ برآمد، مبینہ دہشت گرد بھتہ خوری اور بینک ڈکیتی کی وارداتوں میں ملوث،بینک ڈکیتیوں سے ملنے والی رقم دہشت گردی کی کارروائیوں میں استعمال کی جاتی تھی،پولیس

منگل 7 مئی 2013 23:57

کراچی(اُردو پوائنٹ اخبار تازہ ترین۔آئی این پی۔7مئی۔ 2013ء) کراچی میں سی آئی ڈی پولیس نے مقابلے کے بعد کورنگی انڈسٹریل ایریا سے کالعدم تحریک طالبان کے مبینہ دہشت گرد کامران عرف کامی کو گرفتار کرلیا گیا جس سے اسلحہ برآمد ہوا، مبینہ دہشت گرد بھتہ خوری اور بینک ڈکیتی کی وارداتوں میں ملوث ہے، بینک ڈکیتیوں سے ملنے والی رقم دہشت گردی کی کارروائیوں میں استعمال کی جاتی تھی۔

(جاری ہے)

منگل کے روز سی آئی ڈی پولیس کراچی نے کورنگی انڈسٹریل ایریا کے علاقے گودام چورنگی کے قریب سخت مقابلے کے بعد کالعدم تحریک طالبان کے مبینہ دہشت گرد کامران عرف کامی کو گرفتار کرکے اس سے اسلحہ برآمد کرلیا۔ ایس ایس پی سی آئی ڈی فیاض خان نے کہا کہ دہشت گرد کامران عرف کامی کا تعلق کالعدم تحریک طالبان سے ہے اور یہ کراچی سے ہے اور یہ کراچی میں بھتہ خوری اور بینک ڈکیتی کی وارداتوں میں ملوث رہا ہے۔

انہوں نے کہا کہ کامران عرف کامی اور اس کے ساتھی بینک ڈکیتیوں سے ملنے والی رقم دہشت گردی میں استعمال کرنے کیلئے وزیرستان بھجواتے تھے اور کراچی میں بھی کچھ دہشت گردی کی کارروائیوں میں استعمال کی۔ ایس ایس پی سی آئی ڈی نے بتایا کہ ملزم 2011ء میں نیول کالونی میں نجی بینک سے 70 لاکھ روپے لوٹنے کا اعتراف کرچکا ہے۔

Facebook Twitter Google + Share on Whatsapp

متعلقہ عنوان :

مزید اہم خبریں