اسلام آباد ،راولپنڈی، کشمیر، کوئٹہ اور مکران ڈویژن میں ہلکی بونداباندی اور لاہور میں تیز ہواوٴں سے موسم خوشگوار ہوگیا

جمعرات 8 مئی 2014 20:40

اسلام آباد (اُردو پوائنٹ تازہ ترین اخبار۔ 8مئی 2014ء) اسلام آباد ،راولپنڈی، کشمیر، کوئٹہ اور مکران ڈویژن میں ہلکی بونداباندی اور لاہور میں تیز ہواوٴں سے موسم خوشگوار ہوگیا جبکہ مالا کنڈ ڈیویژن اور قبائلی علاقوں کے بعض شہروں میں ہونے والی بارش سے گرمی کم ہوگئی۔محکمہ موسمیات کے مطابق ہنگو، شمالی اور جنوبی وزیر ستان میں تیز ہواؤں کے ساتھ بارش اور ژالہ باری ہوئی جس سے موسم خوشگوار ہوگیا رات گئے لاہور میں چلنے والی تیز ہواوٴں سے موسم خوشگوار ہو گیا گرمی اور لوڈ شیڈنگ سے بلبلاتے شہریوں نے سکھ کا سانس لیا ۔

محکمہ موسمیات کے مطابق میانوالی،بھکر،پڈعیدن سمیت سندھ کے مختلف شہروں میں بھی بادل برسنے سے موسم میں تبدیلی آگئی شانگلہ، لوئر دیر اور مالا کنڈ ڈویژن کے مختلف علاقوں میں بدھ کی شام تیز ہواؤں کے ساتھ موسلادھار بارش ہوئی۔

(جاری ہے)

ہنگو،شمالی اور جنوبی وزیرستان میں تیزہواؤں کے ساتھ بارش اور ژالہ باری ہوئی جس سے موسم خوشگوار ہوگیا۔ میانوالی، بھکر، پڈعیدن سمیت سندھ اورپنجاب کے مختلف شہروں میں بھی بادل برسنے سے گرمی کی شدت میں کمی آگئی۔

محکمہ موسمیات کے مطابق آئندہ24گھنٹوں کے دوران کشمیر، گلگت بلتستان، خیبرپختونخوا، کوئٹہ،ژوب، مکران، قلات، سکھر، لاڑکانہ، اسلام آباد، راولپنڈی، گوجرانوالہ، سرگودھا، فیصل آباد، لاہورڈویژن میں گردآلود جھکڑ چلنے، آندھی اور گرج چمک کے ساتھ ہلکی بارش کاامکان ہے۔