کشمیری (کل)بھارت کا یوم آزادی یوم سیاہ کے طورپر منائیں ، حریت رہنماؤں کی اپیل
بدھ 13 اگست 2014 20:04
سرینگر (اُردو پوائنٹ تازہ ترین اخبار۔ 13اگست 2014ء) کشمیری جمعہ کو بھارت کا یوم آزادی یوم سیاہ کے طور پر منائیں گے،جس کا مقصد بھارت کو یہ پیغام دینا ہے کہ اس کے پاس جموں و کشمیر میں اپنا یوم آزادی منانے کا کوئی اخلاقی جواز نہیں ہے کیونکہ اس نے کشمیریوں کے تمام بنیادی حقوق سلب کر رکھے ہیں ۔ اطلاعات کے مطابق کل جماعتی حریت کانفرنس کے چیئرمین میر واعظ عمر فاروق ،بزرگ کشمیری حریت رہنماء سید علی گیلانی اور شبیر احمد شاہ نے کشمیریوں سے اپیل کی ہے کہ وہ اس دن مکمل ہڑتال کریں۔
میر واعظ عمر فاروق ،سید علی گیلانی ،شبیر احمد شاہ ،جے کے ایل ایف (آر) کے چیئرمین فاروق احمد ڈار نے سرینگر میں جاری اپنے الگ الگ بیانات میں کشمیریوں سے کہا ہے کہ وہ اس دن مکمل ہڑتال کر کے ثابت کر دیں کہ وہ جموں و کشمیر پر بھارتی تسلط کو تسلیم نہیں کرتے ۔(جاری ہے)
انہوں نے کہا کہ بھارت مقبوضہ کشمیرمیں یوم آزادی کی تقریبات کے انعقاد کا کوئی حق نہیں رکھتا کیوں کہ اس نے جموں و کشمیر پر غیر قانونی طورپرقبضہ کر رکھا ہے۔
انہوں نے کہا کہ بھارت نے قومی اور بین الاقوامی سطح پروعدہ کیا تھاکہ وہ کشمیریوں کو اپنے مستقبل کے تعین کا فیصلہ کرنے کا موقع فراہم کرے گالیکن وہ ان وعدوں سے مُکر گیا۔حریت رہنما نے کہا کہ کشمیری 15/اگست کو ہڑتال کرکے بھارت کے حکمرانوں کو وہی وعدہ یاد دلانا چاہتے ہیں اور دنیا کو پیغام پہنچانا چاہتے ہیں کہ کشمیریوں کوبھارت کا فوجی قبضہ کسی طور بھی تسلیم نہیں ہے۔ حریت رہنماؤں نے یوم آزادی کے موقع پر پاکستان کی حکومت اور عوام کو مبارکباد دی ہے ۔انہوں نے کہاکہ ایک مضبوط ، مستحکم اور خوشحال پاکستان مسئلہ کشمیر کے حل کیلئے ناگزیر ہے۔ دیگر حریت رہنماؤں شبیر احمد شاہ،فاروق احمد ڈار،محمد یوسف نقاش ، شبیراحمد ڈار ، میر شاہد سلیم اور محمد اعظم انقلابی نے اپنے الگ الگ بیانات میں پاکستان کی ترقی و خوشحالی کیلئے دعا کی ہے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.